الماتىدا كوروناۆيرۋستىق ينفەكتسييانىڭ كٷندەلٸكتٸ ٶسٸمٸ 1,7 پايىزعا جەتتٸ. بۇل تۋرالى قالانىڭ باس سانيتارلىق دەرٸگەرٸ جانداربەك بەكشين ونلاين بريفينگ بارىسىندا ايتتى, دەپ حابارلايدى "ۇلت اقپارات".
ونىڭ ايتۋىنشا, قالادا ۆيرۋس جۇقتىرعانداردىڭ سانى 2201 ادامعا جەتكەن.
«ونىڭ 84,3 پايىزى اۋىرعان اداممەن بايلانىستا بولعاندار. جازىلىپ شىققانداردىڭ سانى 1319-عا جەتتٸ. كەشە 37 جاڭا جاعداي تٸركەلدٸ. ٶسٸم كٶرسەتكٸشٸ 1,7 پايىز بولدى. سوندىقتان, بٷگٸننەن باستاپ ازىق-تٷلٸك بازارلارى, قوعامدىق تاماقتانۋ ورىندارى اشىلدى. قوناقٷيلەر ٸسكە قوسىلدى. اۋدانى 500 شارشى مەتر اساتىن ساۋدا ورتالىقتارى جۇمىسقا قوسىلدى», - دەدٸ جانداربەك بەكشين.
