Pfizer jáne BioNTech kompaniialarynyń koronavirýsqa qarsy vaktsinasyn sátti synaqtan ótkizýine bailanysty munaidyń álemdik quny 10%-ke ósti, dep habarlaidy RIA Novosti.
Brent markaly munaidyń qańtar aiyndaǵy fiýchersteri 10,11 protsentke qymbattap barreline 43,44 dollarǵa deiin jetti. Al jeltoqsan aiyndaǵy WTI markaly munai fiýchersteri barreline 41,28 dollar boldy.
Buǵan COVID-19 vaktsinasyna qatysty jańalyq sebep. Pfizer jáne BioNTech kompaniialary koronavirýsqa qarsy vaktsinasy sátti synaqtan ótkenin habarlaǵan bolatyn. Qorytyndyǵa sáikes, vaktsina 90 protsentke tiimdi ekenin kórsetti. Ony AQSh-ta tirkeý ótinish qarasha aiynda beriledi degen boljam bar.
Bul treiderlerdiń ekonomikanyń qalpyna kelýine qatysty qaýpin birshama seiiltti. Buǵan qosa, munaiǵa degen suranys boiynsha boljamdy qoldady.
