Jelide «COVID-19 vaktsinalary sút bezi qaterli isigi belgilerin týdyrady» degen feik aqparat tarady. Bul týraly stopfake.kz saity habarlady.
COVID-19 vaktsinalarynyń janama áserleri sút bezi qaterli isiginiń belgilerine óte uqsas bolýy múmkin degen habarlamalar qazaqstandyqtardy alańdatyp otyr. Keibireýleriniń pikirinshe, bul ekpelerdiń is júzinde onkologiialyq aýrýlardyń órshýine sebep bolýynyń belgisi. Árine, bul olai emes.
Ústimizdegi jyldyń 18 qańtarynda Clinical Imaging jýrnalynda jariialanǵan «COVID-19 qarsy vaktsina aiasynda bir jaqty qoltyqasty adenopatiia» maqalasy alaýdaýshylyqqa sebep boldy. Onda COVID-19 qarsy vaktsinatsiiasynan keiin tórt áiel meditsinalyq kómekke júgingeni jazylǵan. Olar preparattyń ekinshi dozasyn alǵannan keiin birneshe kún ótken soń olar qoltyqasty shuqyrynyń limfa túiinderiniń kólemi ulǵaiǵanyn baiqaǵan.
Limfa túiinderiniń ulǵaiýy sút bezi qaterli isiginiń belgileriniń biri bolýy múmkin, biraq bul qaterli isikterdiń naqty indikatory emes. Mammologqa ýaqtyly júginý úshin áiel sút bezderiniń kólemi men pishininiń ózgerýine, bólinip shyqqan zattarǵa jáne keýde aimaǵyndaǵy bórtpelerge nazar aýdarýǵa keńes beredi.
Sipattalǵan belgilerdiń barlyǵy bolsa da, dáriger tolyq tekserip, barlyq qajetti taldaýlardy alǵannan keiin ǵana naqty diagnoz qoia alady. COVID-19 qarsy vaktsinatsiiadan keiin kómekke júgingen tórt áieldiń eshqaisysynda sút bezi qaterli isigi anyqtalǵan joq.
Sonymen qatar, dárigerler vaktsina alǵannan keiin limfa túiinderiniń ulǵaiýy tańqalarlyq jait emes degen ortaq pikirde.
«Limfa túiinderiniń kólemi ulǵaiýy múmkin. Ádette, olar preparat ekken jaqtan ósedi», – deidi Virdjiniia gospitaliniń infektsionisti Djennifer Primedjia.
Jalpy alǵanda, limfa túiinderi azdap ósip, sodan keiin burynǵy qalpyna tússe, mundai janama áser ziiansyz. Dál osyndai áserdi keide BTsJ vaktsinasyn alǵan balalarda da baiqalady.
Vaktsinanyń janama áseri týraly aqparatpen qosa aýyr metaldar men ziiandy komponentterdiń bolýyna bailanysty jalpy vaktsinalardyń qaýiptiligi týraly málimdemeler taratylýda. Bul tezister birneshe ret teriske shyǵaryldy jáne jalǵan dep tanyldy. Vaktsinalar immýnitetti tómendetpeidi, kerisinshe týberkýlez, qyzylsha, sheshek, sirespe jáne t.b. qaýipti jáne ólimge ákeletin aýrýlarmen kúresýge kómektesedi.
Aita keteiik, vaktsinatsiiadan keiin limfa túiinderiniń ulǵaiýy týraly Pzifer-BioNTech nemese Moderna preparattaryn alǵandar ǵana habarlaǵan. Qazaqstanda bul vaktsinalar qoldanylmaidy. Elimizde COVID-19 pandemiiasymen kúresý úshin reseilik «Spýtnik-V» vaktsinasy paidalanylady. Bul preparatty alǵannan keiin limfa túiinderiniń ulǵaiýy týraly habarlanǵan joq.
