Ekonomikalyq jańalyqtar kórsetip otyrǵandai, Amerika ekonomikasy sońǵy onjyldyqtaǵy eń qiyn daǵdarysqa kirip keledi.
AQSh-ta taǵy ótken aptada 5 mln azamat jumyssyzdyq boiynsha járdemaqyǵa ótinish bergen. Sonyń saldarynan Covid-19 bailanysty karantin rejimi engizilgen sátten bastap jumystan bosatylǵandar sany 22 mln-nan asyp otyr, dep habarlaidy The Guardian.
Sarapshylar Amerikadaǵy jumyssyzdyq deńgeii 15%-ǵa ósken dep boljap otyr jáne bul kórsetkish aldaǵy aptalarda ósýi múmkin.
Ótken aida elde baspana qurylysy birden 22%-ǵa qysqarǵan.
Morgan Stanley men BlackRock sońǵy toqsanda tabystyń birden tómendegenin jariialady, sebebi aktsiialar quny arzandap, mámile sany qysqarǵan.
Ulybritaniiada Angliia bankiniń sarapshylary el ekonomikasynyń Covid-19 pandemiiasy saldarynan «óte qatty» zardap shegetinin eskertti.
Ekonomister qatań oqshaýlaný rejimi taǵy birneshe aiǵa sozylsa, Ulybritaniiada da jumyssyzdyq deńgeii 15%-ǵa jetetinin boljap otyr.
Elde ótken aida turmystyq qajetti taýarlar baǵasy 4,4%-ǵa ósken.
