Shymkenttiń bas sanitar dárigeri jańa qaýlyǵa qol qoidy, dep habarlaidy QazAqparat.
Qaýlyǵa sáikes, Ashyq jobasyna qatysatyn nysandarda 30 adamǵa deiingi as berýdi qospaǵanda, ashyq aýada, jabyq úi jailarda, onyń ishinde úide de otbasylyq, eske alý is-sharalaryn, kópshilik is-sharalardy ótkizýge jáne qatysýǵa tyiym salynady.
Sondai-aq, saltanatty as berý, otbasylyq is-sharalardy ótkizý, konferentsiialar, forýmdar, adamdar kóp jinalatyn oiyn saýyq jáne ózge de is-sharalar, kórmeler men marafondar, kórermender qatysatyn sporttyq is-sharalar ótkizýge bolmaidy. Sonymen qatar, teatr men kontsert zaly, filarmoniia men túngi klýbtardyń jumys isteýine ruqsat joq.
Mektepterde sabaq qashyqtan oqytý formatyna kóshedi.
Vaktsina alǵan, vaktsinatsiialaýdyń tolyq kýrsyn aiaqtaǵan oqýshylar men stýdentterdi oqý orny ákimshiliginiń qalaýy boiynsha shtatyq rejimde oqytýǵa jol beriledi.
JOO men kolledjder aralas oqý formatyn júzege asyrady. Barlyq dárister onlain, al praktika, zerthana jáne seminar sabaqtary ikemdi keste boiynsha shtattyq formatta uiymdastyrylady.
Bilim berý ortalyqtary men túzetý kabinetteri, úiirmeler, damý ortalyqtary – 10 adamǵa deiingi jeke jáne toptyq sabaqtar offlain formatta ótedi.
Ashyq jobasyna qatysatyn bolsa, áýejailar men temirjol, avtomobil vokzaldary, avtostantsiialar men jolaýshylarǵa qyzmet kórsetý pýnkteri qalypty jaǵdaida qyzmet kórsete alady. Al, atalǵan nysandar Ashyq jobasyna qatyspaityn bolsa, qyzmetterine tyiym salynady.
