Almatyda «Rahat» konditerlik fabrikasy qyzmetkerleriniń arasynda COVID-19 anyqtalýyna bailanysty fabrika 24 maýsymǵa deiin óz erkimen qyzmetin toqtatty, dep habarlaidy Almaty qalalyq Taýarlar men qyzmetterdiń sapasy men qaýipsizdigin baqylaý departamenti.
3 maýsymnan beri qalada COVID -19 juqtyrý deńgeii artqan. Osyǵan bailanysty koronavirýs infektsiiasynyń taralýyn tejeý jáne sanitarlyq-epidemiologiialyq jaǵdaidy turaqtandyrý boiynsha jan-jaqty sharalar qabyldanyp jatyr.
«Maýsym aiynda azamattardyń ózderiniń júginýi jáne uiymdar arasynda oshaqtardyń paida bolýy esebinen aýrý deńgeiiniń óskeni baiqalady. SES talaptaryn buzýyna bailanysty Kók bazar da «Rahat» konditerlik fabrikasy siiaqty jabylyp, aiyppul salyndy. Bizdiń qazirgi mindetimiz - uiymdardyń ózderi búgingi tańda azamattardyń densaýlyǵy qymbat ekenin túsinýileri úshin sharalar qabyldaý», - dedi Almaty qalasy boiynsha Taýarlar men qyzmetterdiń sapasy men qaýipsizdigin baqylaý departamentiniń basshysy – Almaty qalasynyń bas memlekettik sanitar dárigeri Jandarbek Bekshin.
«Rahat» fabrikasynda 30 mamyr men 4 maýsym aralyǵynda 10 adamnan KVI anyqtalǵan. Birinshi, fabrikanyń bir qyzmetkeri josparly operatsiiaǵa túsken kezde odan virýs tabylǵan. Keiin zaýytqa kireberiste turǵan teplovizor arqyly taǵy 8 adamnyń qyzýy joǵary ekeni anyqtaldy. Olardyń barlyǵynda koronavirýs anyqtaldy.
Fabrikanyń 1500-ge jýyq qyzmetkeri tekserilgen. Olardyń ishinde 467 adamnan virýs tabyldy. Olarda simptom belgileri bolmaǵan. Olardyń barlyǵy úi karantinine jiberildi.
Sonymen qatar, Almatyda sanitarlyq talaptardy saqtamaǵany úshin Kók bazarǵa 620 AEK kóleminde aiyppul salynǵanyn keshe habarlaǵan bolatynbyz.
«Almaty qalasynyń mamandandyrylǵan aýdanaralyq ákimshilik sotynyń sheshimine sáikes, «Kompaniia «Dostar-Kommerts» JShS (Kók bazar) 620 AEK (1 722 360 tg) kóleminde aiyppul salynyp, qyzmeti 1 aiǵa toqtatyldy», - dedi departament basshysy.
Eske sala keteiik, 21 mamyrda tekserý kezinde Kók bazar aýmaǵynda kóp ereje buzýshylyqtar anyqtalǵan edi. Kelýshilerd áleýmettik qashyqtyq saqtamaǵan. Bazar basshylyǵynyń eskertpelerdi elemegeni 12 maýsymda júrgizilgen tekserý kezinde anyqtaldy.
