Zertteý málimetteri boiynsha, jańa koronavirýs balalarǵa qaraǵanda eresekter úshin qaýipti. Alaida, daǵdarys óskeleń urpaqtyń ál-aýqatyna aitarlyqtai áser etti. Al áleýmettik-ekonomikalyq saldar áli de uzaq ýaqyt seziletin bolady. BUU sarapshylarynyń baǵalaýynsha, biyl júzdegen myń bala qaitys bolýy yqtimal. Olar pandemiia bolmaǵanda, aman qalýy múmkin edi. Bul týraly BUU-nyń jańa baiandamasynda jazylǵan, dep habarlaidy «BUU jańalyqtary».
«Biyl 42-66 million bala kedeiliktiń zardabyn shegýi múmkin. 188 eldegi 1,5 milliard kámeletke tolmaǵandar men jastar ókilderi bilim berý mekemelerine barmaidy. Memleketterdiń úshten ekisi qashyqtan oqytýdy engizdi, biraq barlyq elde mundai múmkindik joq. Sarapshylar májbúrli demalys balalardyń damýyna qalai áser etetinin baǵalaýdy áli qolǵa alǵan joq.
Balalardyń qaitys bolý jaǵdailarynyń sany sońǵy úsh jyldaǵy balalar ólim-jitimine qarsy kúrestegi jetistikterdi joqqa shyǵara otyryp, júzdegen myń adamǵa artady. Bul esepteýlerde qaita júktelgen densaýlyq saqtaý júiesi aiasynda týyndaǵan meditsinalyq qyzmet kórsetý problemalary eskerilmegen – bul jeke másele. Ázirshe másele basqa faktorlarda bolyp otyr: mysaly, 143 eldegi 368,5 million bala tańǵy asyn mektepte alady, qazir olardyń kópshiligi qajetti tamaqpen qamtamasyz etilmei otyr», -delingen baiandamada.
Budan bólek, atap ótilgendei, balalar oqshaýlaý rejimine shydamaidy, bul olardyń psihikalyq densaýlyǵyna keri áser etedi. Ásirese, oqshaýlaý ortalyqtarynda otyrǵan bosqyndar men migranttardyń balalary osal bolyp keledi.
«Baiandama avtorlarynyń qorytyndysy kúmán týǵyzbaidy. Balalardy osy qaýipterden qorǵaý úshin biz dál qazir áreket etýimiz kerek», - dedi BUU Bas hatshysy Antoniý Gýterrish qujatty usyna otyryp.
BUU sarapshylary halyqqa bilim alýǵa umtylýǵa, ata-analarǵa úide eriksiz otyrý jaǵdaiynda balalarmen qarym-qatynas jasaý daǵdylaryn úiretýdi usynady.
Baiandamada aitylǵandai, karantin rejimin kezeń-kezeńimen alyp tastaý kezinde, eń aldymen, balalarǵa qyzmet kórsetetin mekemelerdiń jumysyn qalpyna keltirý qajet.
