BI Group kompaniiasynyń basshysy Aidyn Rahymbaev Qazaqstanda salynatyn koronavirýs naýqastaryn emdeýge arnalǵan gospitaldiń basty aiyrmashylyqtaryn túsindirdi, - dep habarlaidy QazAqparat.
«Bizdiń aýrýhananyń Qytaidaǵy gospitalden basty aiyrmashylyǵy - turaqty statsionar bolýynda. Qytai da epidemiiany tolyq baǵamdap, bir aidan keiin ǵana qurylysty bastap edi. Sebebi olar qansha oryn qajet bolatynyn eseptedi. Olar da modýldik gospitaldi ákep qoidy», - dedi Aidyn Rahymbaev qurylys mańynda tilshilerge bergen suhbatynda.
Ózbekstandaǵy aýrýhana qurylysynda aýa raiy da mańyzdy ról atqarǵan.
«Qazir Tashkentte kún jyly. Sondyqtan olarǵa statsionar salý qajet bolmady, shatyrlyq-konteinerlik qalashyq turǵyzdy. Biraq, bizdiń mindetimiz basqa. Ýaqytsha aýrýhana turǵyzyp, qaitadan buzý tiimsiz. Sondyqtan Úkimet durys sheshim qabyldady. Birden, statsionarlyq juqpaly aýrýlar aýrýhanasy salynady», - dedi A. Rahymbaev.
Eske sala ketsek, búgin elordalyq jýrnalister COVID-19 virýsyn juqtyrǵandardy jatqyzýǵa arnalǵan gospital qurylysymen tanysty.
3 sáýirde TJ rejimin qamtamasyz etý jónindegi memlekettik komissiia Qazaqstannyń úsh iri qalasynda juqpaly aýrýlar aýrýhanalaryn salýdy uiǵardy. Onyń qurylysyna tez turǵyzylatyn qurylymdar qoldanylmaq.
