Elordada koronavirýs indetimen kúresip, jansaqtaý bóliminde jatqan naýqastardyń deni vaktsina almaǵandar. Bul týraly Nur-Sultan qalasy Qoǵamdyq densaýlyq saqtaý basqarmasynyń basshysy Timýr Muratov málim etti, dep habarlaidy QazAqparat.
«Qazirgi ýaqytta koronavirýs agressivti bola bastady, iaǵni virýs tek tynys alý júiesin ǵana zaqymdamaidy. Mýtatsiiaǵa ushyraǵan virýsqa 25 jas pen odan joǵary azamattar jii shaldyǵa bastady. Atap aitqanda, syrqattar tynys alý júiesinen bólek, asqazan-ishek jolynyń buzylýy, júike júiesiniń buzylýy, býyn aýrýlarynyń da zardabyn tartyp otyr. Patsientter ortasha nemese aýyr jaǵdaida túsip jatyr. Olardyń kóbi ókpege ottegi berýdi qamtamasyz etetin kómekshi apparattardy qajet etedi, olardyń basym kópshiligi ekpe almaǵandar men sanitariialyq talaptardy elemegen adamdar. Jansaqtaý bólimderinde ekpe almaǵan azamattar jatyr. Olardyń jasy 35 jáne odan joǵary», - dedi Timýr Muratov OKQ-de onlain ótken baspasóz máslihatynda.
Onyń aitýynsha, búginde 243 naýqas jansaqtaý bóliminde jatyr jáne 55 syrqat ókpeni jasandy tynys alý apparatyna qosylǵan.
