Nur-Sultan qalasynyń bas memlekettik sanitarlyq dárigeri Sarhat Beisenova elordadaǵy epidemologiialyq jaǵdaidy baiandady, dep habarlaidy "Ult aqparat".
«Nur-Sultan qalasynda barlyq jastaǵy jáne kontingentter arasynda koronavirýs infektsiiasy jaǵdailarynyń tirkelýi jalǵasýda. Qańtar aiynda 3763 jaǵdai tirkelse, aqpannyń basynan bastap – 2192 jaǵdai anyqtalǵan. PTsR testiniń teris nátijesi bar koronavirýs infektsiiasy jaǵdailarynyń barlyǵy 80 jaǵdai, onyń ishinde qańtar aiynda – 55, aqpan aiynda – 25 jaǵdai», - dedi spiker Nur-Sultan qalasynyń ákimdigi uiymdastyrǵan onlain-brifingte.
Onyń aitýynsha, bir táýlikte infektsiianyń 72 jaǵdaiy tirkeldi. Onyń ishinde 49 simptomatikalyq jaǵdai, 23-i – simptomsyz jáne 84 oshaq anyqtaldy. Onyń ishinde 66 – úi jaǵdaiynda, 18-i – uiymdastyrylǵan toptarda.
«Sońǵy aptada aldyńǵy aptamen salystyrǵanda, aýrýshańdyq 7,17 paiyzǵa tómendegeni baiqalady. Qarqyndy kórsetkish 100 myń adamǵa shaqqanda 55,58 jáne reprodýktivti sany 0,97-ni qurady», - deidi S. Beisenova.
