Qazaqstanda koronavirýs naýqastarymen bailanysta bolǵandarǵa jańa taktika qoldanylady. Bul týraly QR Bas memlekettik sanitar dáriger Aijan Esmaǵambetova málimdedi, dep habarlaidy QazAqparat.
«Jańa Qaýly arqyly naýqaspen bailanysta bolǵandarǵa qatysty taktikany ózgerttik. Oǵan ózimizdegi jáne halyqaralyq tájiribeler kómektesti. Buǵan deiin koronavirýs juqtyrǵandarmen bailanysta bolǵandardy bólmei jalpy qaraityn edik. Al endi olardy jaqyn bailanysqandar jáne yqtimal bailanysqandar dep ekige bóldik. Jaqyn bailanysta bolǵandar – naýqaspen bir jarym metrden de az qashyqtyqta 15 minýtqa deiin birge bolǵandar. Yqtimal bailanys – naýqaspen jabyq ǵimaratta, bir jarym metrden alys qashyqtyqta 15 minýttan astam ýaqyt birge bolǵandar», - dep túsindirdi bas sanitarlyq dáriger QR Densaýlyq saqtaý miinstrliginiń Feisbýktegi baspasóz máslihatynda.
Buǵan deiin jaqyn bailanysta bolǵandar mindetti túrde PTR-testileýden ótip, karantindik statsionarǵa jiberiletin edi. Bul taktika da ózgerip, 14 kúndik karantindi óz úiinde ótkizý múmkindigi berildi. Al PTR testileý karantinniń basynda jáne sońynda júrgiziledi. Bul rette azamattar 14 kún úide karantindik rejimdi saqtaityny týraly qolhat jazýy kerek.
«Yqtimal bailanysýshylar da anyqtalǵan sátte PTR testileýden ótedi. Biraq olarǵa burynǵydai 14 kún oqshaýlaný talaby qoiylmaidy. Olar mindetti túrde testileýden ótedi, biraq aýrý belgileri paida bolǵan jaǵdaida dárigerge habarlaý týraly qolhat berýi tiis. Iaǵni, olar emin-erkin júrip-turady, biraq óz densaýlyǵyn jiti qadaǵalaýy tiis», - dedi A. Esmaǵambetova.
