Qytai maýsym aiynyń sońyna deiin halqynyń shamamen 40%-yn koronavirýsqa qarsy egýdi josparlap otyr. Bul týraly QHR Densaýlyq saqtaý isteri jónindegi memlekettik komiteti janyndaǵy sarapshylar tobynyń basshysy Brýkings institýty uiymdastyrǵan onlain-forým barysynda málimdedi, dep habarlaidy "Ult aqparat".
Onyń aitýynsha, Qytai maýsym aiynyń sońyna deiin el halqynyń shamamen 40%-yn egýdi josparlap otyr. Ol úshin Qytaida belgilengen merzimge jetý úshin kúnine keminde 5 million doza engizý kerek. Sonymen birge, ol «búkil álemdegi basty másele – adamdarǵa vaktsinany múmkindiginshe tezirek alý» dep atap ótti.
Onyń pikirinshe, eger vaktsinalaý protsesi keshiktirilse, virýstyń mýtatsiia yqtimaldyǵy soǵurlym joǵary bolady. Osyǵan bailanysty ol barlyq vaktsina óndirisin jedeldetýge jáne virýstyń túrlerine sezimtal jańa tiptegi vaktsinalar jasaýǵa shaqyrdy. Chjýn Nanshan, sonymen qatar, Qytaidaǵy vaktsinatsiianyń tómen qarqynyna alańdaýshylyq bildirip, olardy jedeldetý qajettiligin atap ótti.
Qytai epidemiology 27 aqpandaǵy jaǵdai boiynsha Qytaida 1,4 mlrd adamnyń tek 3,56%-y egilgenin aitady. Óz kezeginde Izrail halyqtyń 92,46%-yn, BAÁ – 60,82%, Ulybritaniia – 30,13%, AQSh 22%-yn vaktsinalady.
