Qyrǵyzstan Respýblikasynyń aýmaǵyna kiretin júk tasymaldaýshylardy COVID-19-ǵa tekserý sharalary kúsheitilip jatyr. Bul týraly Respýblikalyq jedel shtabtyń otyrysynda aityldy. Bul týraly Kabar agenttigi.
Qazirgi ýaqytta shekarany kesip ótetin barlyq júk kóligi júrgizýshileri ekspress-testten ótip jatyr. Test oń nátije berse, júrgizýshiler analiz nátijesin alǵanǵa deiin observatsiiada bolady.
«Búginde densaýlyq qaýipsizdigin qamtamasyz etý maqsatynda osy baǵyttaǵy jumystardy baqylaýdy kúsheitý kerek. Júk tasymaldaýshylardyń óńirler arasynda ári qarai júrýine basa nazar aýdarý qajet. Ókinishke qarai, úi karantininde bolýy tiis adamdar jumystaryn jalǵastyrǵan kezder de boldy. Sondyqtan, júk tasymaldaýshylardyń mekenjaiyn baqylaýdy kúsheitý kerek. Olar bizdiń baqylaýdan shyqpaýy tiis», - dep atap ótti birinshi vitse-premer-ministr Kýbatbek Boronov.
Tiisti memlekettik organdarǵa Qyrǵyzstan aýmaǵy boiynsha júk tasymaldaýshylardyń kirýin jáne odan ári júrip-turýyn baqylaý algoritmin jetildirý tapsyryldy.
