Qostanai oblysy politsiia departamentiniń bastyǵy Beket Aimaǵambetov «Qairaq» shekara bólimine qarasty sanitarlyq bekettiń jumysyn tekserdi, dep habarlaidy "Ult aqparat" oblystyq politsiia departamenti baspasóz qyzmetine silteme jasap.
Qostanai oblysynda koronavirýstyq infektsiianyń aldyn alý jónindegi jedel shtab bastyǵynyń orynbasary B.Aimaǵambetovtiń sózine qaraǵanda, Qostanai oblysy virýstyń taralýy boiynsha qyzyl aimaqqa endi. Sondyqtan sanitarlyq talaptardy qatań saqtaý mańyzdy. «Qairaq» beketi arqyly elimizge taiaý shetelderden júkter jetkiziledi.
Munda kúnine 300-den astam júk kóliginiń júrgizýshileri PTR synaqtarynan ótedi. Mundai jumys óziniń tiimdiligin dáleldedi: bir kúnde shekarada aýrýdyń 2-3 jaǵdaiy anyqtalady jáne juqtyrǵandardy oqshaýlaý boiynsha sharalar qabyldanady.
Beket Aimaǵambetov shekara mańyndaǵy dámhanalar men kempingterde monitoringtik toptardyń jumysyn kúsheitý qajettigin de atap ótti.
«Jol boiyndaǵy dámhanalarda barlyq karantindik sharalardyń saqtalýyn tekserý mańyzdy, óitkeni virýs taralýy múmkin. PTR test tapsyrsa da, dámhanaǵa soǵyp, aýrý juqtyratyndar bolady. Infektsiia juqtyrǵandar mindetti túrde karantinge jiberilýi kerek. Qyrǵyzstannyń, Reseidiń jáne basqa elderdiń júrgizýshileri shekaraǵa synaq nátijesimen kelýi tiis», - dedi Beket Aimaǵambetov.
Qostanaidyń bas politseii sanitarlyq bekettiń jabdyqtalýy, mamandardyń qorǵanys quraldarymen qamtamasyz etilýi máselesine erekshe nazar aýdardy.
Qarabalyq aýdanynyń ákimi Nurjan Ótegenov habarlaǵandai, aýmaqta 13 aýyldyq okrýg ornalasqan, olardyń birazy Cheliabi oblysynyń úsh aýdanymen shektesedi.
«Qazirgi ýaqytta Smirnov aýylynda birneshe otbasy aýyryp qaldy. Qazir jaǵdaidy turaqtandyrý úshin sharalar qabyldanýda. 10 qarashadaǵy jaǵdai boiynsha aýdanda 12 naýqas tirkeldi», - dedi N. Ótegenov.
