Jaz maýsymynda indet órshigen kezide jedel járdem qyzmetine júkteme birneshe esege artqany belgili.
Nur-Sultan qalasy ákimdiginiń qoǵamdyq densaýlyq saqtaý basqarmasy koronavirýstyq infektsiia qaitalanǵan jaǵdaida «103»-ke júktemeni azaitý boiynsha sharalar qabyldaýda, dep habarlaidy QazAqparat.
Osylaisha, «103» dispetcherlik pýltteriniń sany 14-ten 30-ǵa deiin ulǵaidy. Qajet bolǵan jaǵdaida qońyraýlarǵa qyzmet kórsetetin jedel járdem brigadalarynyń sany bastapqy meditsinalyq sanitarlyq kómek uiymdarynda 70 brigadaǵa, jedel járdem stantsiiasynyń deńgeiinde 90 brigadaǵa deiin artady.
Kronavirýs jáne pnevmoniiamen aýyratyn naýqastardy gospitalizatsiialaýdyń jańa algoritmi bekitildi.
«Jedel járdem stantsiiasynyń bazasynda bailanys ortalyǵy ashyldy. Iaǵni, aýmaqtyq emhanalardyń qyzmetkerleri turǵyndarǵa koronavirýspen bailanysty suraqtary boiynsha túsinikteme berýge ázir. Osylaisha «103» jelisine júkteme azaidy. Sonymen qatar, qala turǵyndary jedel járdem shaqyrý úshin Telegram áleýmettik jelisindegi chat-botty árdaiym qoldana alady», - dedi basqarma basshysynyń orynbasary Áliia Rústemova.
Áliia Rústemovanyń aitýynsha, ahýal ortalyǵynyń jumysy epidemiologiialyq ahýaldy baqylaý jáne naýqastardy aýrýhanaǵa jatqyzý, sondai-aq resýrstardy tiimdi bólý maqsatynda meditsinalyq uiymdardyń ózara árekettestigi boiynsha jedel basqarý sheshimderin qabyldaý úshin uiymdastyrylǵan.
