Koronavirýspen aýyrǵandardy tegin ambýlatorlyq dári-dármekpen qamtamasyz etý uiymdastyryldy. Bul týraly QR Densaýlyq saqtaý ministri Aleksei Tsoi aitty, dep habarlaidy "Ult aqparat".
«Koronavirýspen aýyrǵandardy tegin ambýlatorlyq dári-dármekpen qamtamasyz etý uiymdastyryldy. Shamamen 2 mlrd teńgege 1 mln-ǵa jýyq adamdy qamtý josparlanǵan», - dedi ministr IX Azamattyq forým aiasynda úkimettik emes uiymdar ókilderimen kezdesýi barysynda.
Ministr jaz ailarynda bólshek saýda jelilerinde dárilik zattardyń tapshylyǵyna bailanysty halyq arasynda dúrbeleń oryn alǵanyn atap ótti. Sonymen qatar ol aldaǵy ýaqytta mundai jaǵdaidyń oryn almaýy úshin Úkimet «SQ-Farmatsiia» kompaniiasyna qajetti dárilik zattardy shekti baǵamen bólshek saýda jelisinde satý úshin kóterme baǵamen satyp alý qyzmetin júktegenine nazar aýdartty.
«Mundai qyzmet «SQ-Farmatsiia» kompaniiasyna karantin kezinde jáne koronavirýspen emdeý hattamasyna kiretin dári-dármekke qatysty ǵana júktelip otyr. Koronavirýstyń jańa tolqynyna daiyndyq aiasynda jáne bólshek dárihanalarda dári-dármektiń tapshylyǵyna jol bermeý úshin ákimdikter Biryńǵai distribiýterdiń portalynda jalpy somasy 3,1 mlrd teńgeni quraityn dárilik zattardyń tapshy 33 ataýyna ótinim berdi», - dedi Aleksei Tsoi.
