Kanada hokkeiden jastar arasyndaǵy álem chempionatyn keiinge qaldyrdy, dep habarlaidy QazAqparat Covid-19 taralýyna jol bermeý jónindegi vedomstvoaralyq komissiianyń Telegram kanalyna silteme jasap.
AQSh, Chehiia jáne Resei quramalarynyń oiynshylarynda covid-19 juqtyrý derekteri anyqtaldy. Osyǵan bailanysty úsh match ta toqtatyldy.
Týrnirdi jalǵastyrý máselesi týraly aitylǵan jinalystan keiin meditsinalyq sarapshylar tobynyń usynysy boiynsha bilik chempionatty merziminen buryn jaýyp tastady.
«IIHF keńesi bul sheshimdi barlyq qatysýshylardyń densaýlyǵy men qaýipsizdigin qamtamasyz etý úshin COVID-19 aýrýy men koronavirýstyń «omikron» nusqasynyń úzdiksiz taralýyna bailanysty qabyldady», - delingen uiym habarlamasynda.
1977 jyldan beri ótkizilip kele jatqan hokkeiden jastar arasyndaǵy álem chempionaty óz tarihynda alǵash ret merziminen buryn aiaqtaldy. Bul týrnir 2022 jyldyń 5 qańtarynda aiaqtalady dep josparlanǵan bolatyn.
RF Densaýlyq saqtaý ministrliginiń juqpaly aýrýlar jónindegi shtattan tys bas mamany professor Vladimir Chýlanov azamattarǵa jańa jyldyq merekelerde shetelge barýdan bas tartýdy usyndy.
«Álemniń ártúrli elderinde jańa «omikron» shtamynyń belsendi taralýyna bailanysty merekelerge sheteldik saparlardy josparlamaǵan jón, eger josparlanǵan bolsa, onda aldyn - ala virýsqa qarsy ekpe jasatý kerek jáne saiahat kezinde aldyn-alý sharalaryn muqiiat saqtaý qajet», - dep keńes berdi professor.
Infektsionist COVID-19 áserinen qorǵaýdyń eń tiimdi ádisi vaktsinatsiia ekenin atap ótti.
