Dúisenbide Johnson & Johnson farmatsevtikalyq tobynyń Janssen atty bólimshesi Afrikalyq senimgerlik birlestikpen koronavirýs vaktsinasynyń 220 mln dozasyn satý jónindegi kelisimshartqa (AVAT) otyrǵanyn málimdedi. Bul týraly óndirýshige silteme jasap Reuters agenttigi habarlaidy.
Agenttik vaktsinany Afrikalyq odaqtyń 55 eline jetkizý 2021 jyldyń úshinshi toqsanynda bastalatynyn málimdedi.
Afrikalyq odaq kontinent elderine COVID-19-ǵa qarsy vaktsinaǵa taǵy bir jol ashaýǵa shaqyratyn AVAT mehanizmi arqyly preparattyń 600 mln dozasyn aldyrtýdy kózdep otyr. Afrika elderiniń basshylary jyl sońyna deiin kontinent turǵyndarynyń 60%-yn – 780 mln-nan astam adamdy vaktsinatsiialaýdy maqsat etken.
Sonymen qatar vaktsinanyń mol jetkizilýin Afrika elderi Dúniejúzilik densaýlyq saqtaý uiymy qatysýymen jasalǵan COVAX halyqaralyq mehanizmi arqyly júzege asyrmaq.
Búgingi kúni Afrika elderindegi koronavirýs juqtyrǵandar sany – 4 072 935 adam, olardyń 108 900-y qaitys boldy. Eń kóp juqtyrǵandar sany OAR-da anyqtaldy, odan keiin Marokko, Týnis, Egipet jáne Efiopiia tur.
