Frantsiiada sońǵy táýlikte 833 adam koronavirýstan qaitys bolǵan. Bul elde pandemiia bastalǵan kezden bergi eń joǵary kórsetkish bolyp otyr, dep habarlaidy VVS agenttigi.
Sońǵy málimetter boiynsha, Covid-19 koronavirýs infektsiiasynyń jańa túrinen qaitys bolǵandar sany - 8 911 adam, al aýrýǵa shaldyqqandar sany - 98 010 adam boldy.
«Biz bul epidemiianyń sońyna deiin áli jetken joqpyz», - dep eskertti eldiń densaýlyq saqtaý ministri Olive Veran.
Frantsiianyń Densaýlyq saqtaý ministrliginiń dúisenbi keshke jariialaǵan málimeti boiynsha, sońǵy 24 saǵatta aýrýhanalarda 605 adam, al qarttar úiinde – taǵy 228 adam kóz jumǵan. Jansaqtaý bóliminde jatqan adamdar sany nebári 1,3 paiyz – 7072 adamǵa deiin ósti.
Veran el úkimetiniń koronavirýs infektsiiasynan 27 paiyz adam kóz jumǵan qarttar úilerin tekserýdi bastaitynyn málim etti. Resmi derekkózder boiynsha, dúisenbi kúni Italiiada indetten qaitys bolǵandar sany qaita óse bastady. Onda virýs qurbandarynyń álem boiynsha eń kóp sany tirkelip, 16 523 adamdy qurap otyr.
Pandemiia qurbandarynyń sany boiynsha ekinshi orynda turǵan Ispaniiada kún saiynǵy adam ólimi sany tómendei túsken. Tótenshe jaǵdailar komiteti basshysynyń orynbasary Mariia Hose Serra koronavirýs órshýiniń qarqyny kóp aimaqtarda báseńdegenin habarlady. Ispaniiada indetten jalpy alǵanda 13 055 adam qaitys bolǵan.
