Elordada koronavirýs infektsiiasyn juqtyrǵan 12 naýqas aýyr halde jatyr, onyń tórteýi ókpeni jasandy jeldetý apparatyna qosylǵan, dep habarlaidy "Ult aqparat".
Bul týraly qalalyq Qoǵamdyq densaýlyq saqtaý basqarmasynyń basshysy Sáýle Qisyqova aityp berdi.
«Qazirgi ýaqytta Elordada infektsiia juqtyrǵandar sany 264 adamǵa jetti. Onyń 48% - er, 52% - áielder. Onyń 25% nemese 63 naýqas emdelip shyqty. Ásirese, jazylǵandar arasynda 2 bala jáne 60 jastan asqan 4 adam, 80 jastaǵy azamatsha bar», - dedi basqarma basshysy «Habar 24» telearnasyndaǵy brifingte.
Sonymen qatar, 12 naýqas aýyr halde, onyń 4 ókpeni jasandy jeldetý apparatyna qosylǵan.
«Bekitilgen hattamaǵa sáikes, naýqastarǵa tiisti em-dom júrgizilýde. Basqa naýqastardyń jaǵdaiy qalypty», - dedi Sáýle Qisyqova.
