SOVID-19 virýsy Dúniejúzilik densaýlyq saqtaý uiymynyń shtab-páteri qyzmetkerleriniń arasynda tarai bastady. Uiym basshysy bolsa, vaktsinanyń jyldam áserine senbeitinin jetkizdi.
Osy arada, Kardiff ýniversitetiniń ǵalymdary aýyz shaiýǵa arnalǵan jalpyǵa ortaq zattar silekeidegi koronavirýsty óltiretinin baiqady, dep habarlaidy VVS agenttigi.
DDSU Jeneva qalasyndaǵy shtab-páterde óz qyzmetkerleriniń arasynda COVID-19 virýsyna shaldyqqan 65 adamnyń anyqtalǵanyn málimdedi.
Sonymen birge, uiym basshysy Tedros Adhan Gebreiesýs álemdegi kóp adam úmit artyp otyrǵan otyrǵan vaktsina pandemiiany túbimen joimaitynyn málimdedi.
Onyń pikirinshe, vaktsina jyldam áser etpeidi.
Gebreiesýstyń aitýynsha, vaktsina eń aldymen meditsina qyzmetkerleri, áleýmettik qyzmetkerler, oqytýshylar jáne qaýip tobyna kiretin adamdarǵa egiledi. Osy aralyqta virýs emin-erkin tarai beredi. Sondyqtan vaktsina paida bolǵanymen, shekteý sharalary áli uzaq ýaqyt qoldanylýy tiis.
Eýropa sharalardy qatańdatty
Ispaniia sottaryna el biligi men densaýlyq saqtaý salasyna kóptegen shaǵym túsken. Shaǵymdanýshylar memlekettik qurylymdardy koronavirýspen kúres júrgizý kezinde basqa da aýyr dertterge, kóbine onkologiiaǵa shaldyqqan adamdardyń meditsinalyq kómeksiz qalǵany úshin aiyptap otyr.
Pandemiia bastalǵanda Ispaniia Eýropa elderi arasynda virýstan eń kóp zardap shekken elderdiń biri boldy.
Djon Hopkins ýniversitetiniń málimetinshe, elde aýrýǵa shaldyqqan adamdardyń jalpy sany 1,5 millionǵa jýyqtaǵan, al qaitys bolǵandar sany – 41,2 myń adam.
Germaniia kantsleri Angela Merkel 16 federaldyq aimaqtyń basshylary onyń epidemiiany ustap turý boiynsha budan da qatań sharalar engizý áreketterine qarsylyq tanytyp otyrǵanyn málimdedi. Lokdaýndy qatańdatý máselesin talqylaý qaitadan keiinge qaldyrylǵan, bul joly 25 qarashaǵa deiin.
Bul kóbine aldaǵy qys mezgiline bailanysty boldy. Keibir aimaqtyń biligi taý shańǵysy kýrorttary men shana joldaryn jabý onsyz da zardap shekken ekonomikaǵa taǵy soqqy tigizetininen qaýiptenip otyr.
Sonda-aq Merkel mektepterde mindetti túrde maska taǵýdy engizip, synyptardaǵy oqýshylar sanyn qysqartýdy usynǵan. Kantslerdi bárinen buryn Berlindegi jaǵdai alańdatyp otyr. Nemis biliginiń aitýynsha, epidemiianyń ekinshi tolqynyn bara-bara baqylaýǵa alý múmkin boldy, biraq aýrýǵa shaldyǵýdyń táýlik saiynǵy kórsetkishteri áli de joǵary bolyp, úrei týdyryp otyr.
Avstriiada seisenbiden bastap 6 jeltoqsanǵa deiin mektepter men azyq-túlik satpaityn dúkender jabylýda. Ótken demalys kúnderi eldiń federaldyq kantsleri Sebastian Kýrts bul shara epidemiianyń ekinshi tolqynyn ustap qalýǵa qajetti shara ekenin málimdegen.
Ulybritaniia úkimeti eldiń halyqaralyq gýmanitarlyq kómekke jumsaityn shyǵyndaryn ýaqytsha qysqartý múmkindigin qarastyryp otyr.
Osy arada, Shotlandiia úkimeti seisenbi kúni eldiń batysyndaǵy 11 aýdanda, sonyń ishinde Glazgo qalasynda shekteý sharalarynyń qatańdatylatynyn jariialady. Jumadan bastap onda azyq-túlik satpaityn dúkender, ishimdik ishetin oryndar, sporttyq zaldar jabylady.
AQSh – aýrýǵa shaldyqqandar men odan qaitys bolǵandar sany jaǵynan álemde kósh bastap otyr (tiisinshe 11,2 mln adam jáne 247,8 myń adam). Ótken aptanyń ishinde ǵana elde taǵy bir million adam virýsqa shaldyqqan. Osy aptada Amerika biligi eń qatty zardap shekken shtattarǵa antidenelerdi anyqtaityn 7 mln astam testini jiberedi, olar birinshi kezekte hospistar, qarttar úileri jáne ózge de áleýmettik osal toptardyń arasynda úilestiriledi. Jergilikti bilik turǵyndardy Alǵys aitý kúnin kópshilik arasynda atap ótýden bas tartýyn surap otyr.
Aýyz shaiýǵa arnalǵan suiyqtyq koronavirýsty óltiredi
Britaniianyń Kardiff ýniversitetinde ótkizilgen jańa zertteý aýyz shaiýǵa arnalǵan kópshilikke qoljetimdi suiyqtyqtardyń olardy qoldanǵannan keiin 30 sekýnd ishinde virýsty óltire alatynyn kórsetti. Zerthanalyq zertteý aýyz qýysyn shaiýǵa arnalǵan suiyqtyqtyń silekeidegi koronavirýsty óltire alatynyn kórsetti. Sonymen birge onyń emdik qural retinde tiimdiliginiń dálelderi de joq, sebebi ol tynys alý joldaryna da, ókpege de barmaidy.
