Batys Qazaqstan oblysynda koronavirýs juqtyrǵan ózbekstandyq azamattar bolyp shyqty. Bul týraly brifingte BQO taýarlar men kórsetiletin qyzmetter sapasy men qaýipsizdigin baqylaý departamentiniń basshysy Muhamǵali Aryspaev málim etti, - dep habarlaidy "Ult aqparat".
M.Aryspaevtyń aitýynsha, 37 jáne 34 jastaǵy júk kóliginiń júrgizýshileri 8 sáýir kúni Máskeýden kelgen.
Samara oblysymen shekaradaǵy «Syrym» ótkizý beketinde epidemiolog mamandar saýalnama júrgizip, atalǵan eki adam jedel járdem kóligimen birden provizorlyq gospitalǵa jetkizildi. Ekeýinen de keshe zerthanalyq synama alynyp, koronavirýsqa shaldyqqany anyqtaldy.
«Kúnine 200-300-dei avtokólik ótetin «Syrym», sondai-aq «Tasqala» jáne «Aqsai» ótkizý beketterinde sanitarlyq-epidemiologiialyq sharalar kúsheitilýde», - dedi M.Aryspaev.
Eske sala keteiik, budan buryn batysqazaqstandyq volonterlerdiń politseiler men dárigerlerge ystyq tamaq jetkizgenin jazǵan bolatynbyz.
