Elordada «Astana Musical» memlekettik teatry «COVID-19» atty jańa týyndysyn usynady, dep habarlaidy "Ult aqparat".
«Qazaqkontsert» MKU» RMQK baspasóz qyzmetiniń málimetinshe, jańa spektakl ataýynyń ózi aityp turǵandai, basty nazarda – 2020 jyldyń eń tanymal sózine ainalǵan «COVID-19» máselesi.
Qoiylymda oidan shyǵarylǵan keiipkerler men úirenshikti pafosqa toly obrazdar joq. Týyndy tolyǵymen ómirimizdiń qazirgi bolmysyn kórsetetin shynaiy oqiǵalarǵa negizdelgen.
«COVID-19» horeografiialyq spektakli – bul máńgilik qundylyqtar týraly paiymdaý, adamdardyń karantin kezindegi ishki oi-tolǵanysy, sanamyzdaǵy ózgerister, kópshiliktiń qisynsyz áreketteri men oiǵa qonymsyz túsinikteri, sonyń nátijesinde jaqyndarynan aiyrylǵan azamattardyń qaiǵy-qasireti..
Álemdi kúrt ózgertken «COVID-19» pandemiiasy bizdi ózgerte aldy ma? Saqtyq sharalary men shekteýlerge deiingi ómir qaita orala ma? Osy jáne ózge de ózekti saýaldardyń jaýabyn kórermender «COVID-19» atty horeografiialyq spektaklden tabady.
Spektakldiń rejisser-horeografy – «Astana Musical» teatrynyń ártisi Anel Mýrzagýlov. Mýzykalyq týyndylardy «Astana Musical» ártisi Aqjol Ómirzaqov jazǵan.
