Qazaqstannyń aýrýhanalarynda infektsiia profilaktikasy jáne infektsiialyq baqylaý jaǵdaiyna taldaý júrgiziledi.
Kolýmbiia ýniversitetiniń janyndaǵy ICAP ortalyǵy «Shevron» kompaniiasymen seriktestikte jáne QR Densaýlyq saqtaý ministrliginiń Qoǵamdyq densaýlyq saqtaý ulttyq ortalyǵymen birlesip, meditsinalyq uiymdarda infektsiialardyń aldyn alý jáne infektsiialyq baqylaý (IPIB) jaǵdaiyna syrtqy keshendi taldaý júrgizedi, - dep habarlaidy ttjk.info.
31 tamyz ben 14 qazan aralyǵynda jeti aptanyń ishinde Qazaqstannyń gospitaldik epidemiologiiasy salasyndaǵy jetekshi mamandary keshendi taldaý júrgizedi. MMSJ qatysýshylary bolyp tabylatyn QR-nyń barlyq meditsinalyq mekemeleri tekserýden ótedi.
Sarapshylar tobynyń ár múshesi DDSU infektsiialyq baqylaý, jaǵdaidy taldaý ádistemesi, etikalyq túsinik, sonyń ishinde aqparattandyrylǵan kelisim alý jáne taldaýǵa qatysýshylardyń derekterin qorǵaý jónindeginusqaýlary boiynsha oqýdan ótti.
«Infektsiialyq baqylaý meditsinalyq qyzmetterdiń qaýipsizdigi men sapasyn qamtamasyz etý úshin kerek. COVID-19 pandemiiasy barysynda infektsiialyq baqylaý júieleriniń tiimdiligi erekshe mańyzǵa ie bolyp otyr. Densaýlyq saqtaý ministrliginiń bastamasymen infektsiialyq baqylaýǵa qatysty jaǵdaidy taldaý úshin bizdiń uiym búkil Qazaqstan boiynsha 81 aýrýhanany, sonyń ishinde memlekettik statsionarlar men jekemenshik emhanalardy, sondai-aq aýdandyq deńgeidegi aýrýhanalardy iriktedi», – deidi Anna Deriabina, Ortalyq Aziiadaǵy Kolýmbiia ýniversitetiniń janyndaǵy ICAP Direktory.
Infektsiia profilaktikasy jáne infektsiialyq baqylaý – bul patsientter men densaýlyq saqtaý salasy qyzmetkerleriniń aýrý juqtyryp alýyna jol bermeýge baǵyttalǵan praktikalyq, ǵylymi negizdelgen tásildeme.
Taldaýdyń maqsaty infektsiialyq baqylaýdy, sonyń ishinde COVID-19 pandemiiasy jaǵdaiynda, júieli túrde jaqsartý úshin Dúniejúzilik densaýlyq saqtaý uiymynyń ádisnamasy boiynsha qazirgi jaǵdaiǵa baǵa berý.
«Densaýlyq saqtaý salasy «Shevron» kompaniiasynyń áleýmettik investitsiialarynyń basty baǵyttarynyń biri bolyp otyr. Biz árqashan ómir súrý deńgeiin jaqsartýǵa ǵana emes, sondai-aq ózimiz jumys isteitin qoǵamdastyqtarǵa kómektesýge umtylamyz. Ótken jyly biz ICAP uiymymen jáne Densaýlyq saqtaý ministrligimen birge COVID-19 infektsiiasymen kúresý úshin Qazaqstanǵa dári-dármek, JQQ men meditsinalyq jabdyq jetkizýdi uiymdastyrý boiynsha úlken jumys júrgizdik», – dep oiyn bólisti «Shevron» kompaniiasynyń ókili Leila Aitmýhanova.
Taldaý mindetterine infektsiialyq baqylaýǵa qatystyaǵymdaǵy jaǵdaidy: oqýdan ótken kadrlardyń, qajetti qujattardyń bolýyn, meditsina qyzmetkerleriniń infektsiialyq baqylaýdy qamtamasyz etý úshin tiistiáreket jasaýyna turaqty jáne júieli baqylaýjasalýyn, sondai-aq meditsinalyq mekemelerdiń bar qyrlarynyń DDSU usynystaryna sáikestigin sipattaý kiredi. Budan basqa, COVID-19 pandemiiasy jaǵdaiynda infektsiialyq baqylaýdy júzege asyrýǵa bailanysty meditsinalyq uiymdar tap bolyp otyrǵan qiyndyqtar men kemshilikter anyqtalady. Taldaý eki kezeńmen júrgiziledi:
1) statsionarlardyń ózin-ózi baǵalaýǵa arnalǵanonlain saýalnamany óz betimen toltyrýy
2) infektsiialyq baqylaý mamandary tobynyństatsionarlarǵa barǵan kezde oryn-oryndaǵy jaǵdaidy taldaýy.
«Meditsinalyq uiymnyń bul taldaýǵa qatysýdan alatyn negizgi artyqshylyǵy –Densaýlyq saqtaý ministrliginiń qoldaýymen, sonyń ishinde ulttyq akkreditatsiia sheńberinde infektsiialyq baqylaýdyń zamanaýi ádisterin endirý boiynsha tájiribelik jáne ádistemelik kómek. Sonymen qatar, qyzmetkerlerdiń 2022 jyly Qoǵamdyq densaýlyq saqtaý ulttyq ortalyǵynyń bazasynda infektsiialyq baqylaý boiynsha mamandandyrylǵan oqý kýrsynyń sheńberinde tegin oqýdan ótip, halyqaralyq deńgeide moiyndalǵan baǵdarlama boiynsha sertifikat alýǵa múmkindigi bolady», – dep atap ótti Anna Deriabina.
Meditsinalyq járdem kórsetýge bailanysty infektsiialar, nemese aýrýhanaishilik infektsiialar (AII), meditsinalyq qyzmet kórsetý kezindegi eń keńtaraǵan janama qubylystardyń qataryna jatady.Olar qoǵamdyq densaýlyq saqtaý júiesiniń kúrdeli problemasy bolyp sanalady jáne aýrý-syrqaýlyq, ólim-jitim deńgeii men ómir súrý sapasyna áser etedi. DDSU derekteri boiynsha, damyǵan elderde aýrýhanaǵa jatqyzylǵan adamdardyń 7%-yna deiingi bóligi kez kelgen ýaqytta kem degende bir AIIjuqtyrady, al damýshy elderde bul kórsetkish 10%-ǵa jetedi. Degenmen, infektsiialyq baqylaýdyń tiimdi tájiribesin iske asyrý jolymen AII úlken paiyzynyńaldyn alýǵa bolady.
Anyqtama úshin:
ICAP halyqaralyq uiymy – AQSh, Niý-Iork qalasyndaǵy Kolýmbiia ýniversitetiniń Meilman atyndaǵy qoǵamdyq densaýlyq saqtaý mektebiniń janyndaǵy ortalyq. Ortalyq jumysynyń negizgi maqsaty otbasylar men qoǵamdastyqtardyń densaýlyǵyn jaqsartý bolyp tabylady. Búginde ICAP uiymy densaýlyq saqtaý júielerin nyǵaitý boiynsha álemniń 30-dan astam elinde Densaýlyq saqtaý ministrlikterine konsýltatsiia-ádistemelik, sonyń ishinde meditsina qyzmetkerlerin oqytý, densaýlyq saqtaý salasynda innovatsiialyq tásildemelerdi ázirleý men endirý jáne keń aýqymdy zertteý jobalaryn iske asyrý jaǵynan kómek kórsetetin asa iri halyqaralyq uiymdardyń biri.
«Shevron» – dúniejúzindegi jetekshi integratsiialanǵan energetikalyq kompaniialardyń biri. Kompaniia tabysty da turaqty álem qurýda qoljetimdi, senimdi ári taza energiianyń róli zor dep sanaidy. “Shevron” munai men tabiǵi gaz shyǵarady, transporttyq otyn, janar-jaǵarmai jáne munaihimiia óndiredi, biznes pen salany jetildiretin tehnologiialardy damytady. Kómirtek shyǵaryndylary tómen bolashaq qurý úshin kómirtek óndirisin tiimdi tómendetýge, jańǵyrmaly energiia kózderiniń kólemderin arttyýǵa, sonymen qatar tómen kórmirtekti kommertsiialyq maqsattaǵy tehnologiialarǵa investitsiialaýǵa erekshe nazar aýdarady.
