Aqtóbe oblysynda 80-nen astam adam koronavirýs infektsiiasynan em qabyldap jatyr. Onyń 11-i jansaqtaý bóliminde. Bul týraly óńirlik kommýnikatsiialar qyzmetinde ótken baspasóz máslihatynda aityldy, dep habarlaidy "Ult aqparat".
Ótken táýlikte óńirde 10 adamnan koronavirýs infektsiiasy anyqtaldy. Aqtóbe qalasynda 3, Mártók aýdanynda 6 jáne Hromtaý aýdanynda 1 adam dárigerler baqylaýyna alyndy.
Aýrý juqtyrýdyń ósý deńgeii - 0,3%. Jalpy oblysta 3531 jaǵdai tirkelgen bolsa, onyń 94 paiyzy jazyldy. Al 200-den astam adam úi karantinine alyndy.
«Aqtóbe meditsinalyq ýniversitetiniń karantindik statsionarynda 14, Mártók aýdanyndaǵy Jaisań aýylynda 15, Qarǵaly aýdanyndaǵy Álimbet mektep-internatynda 1 adam jatyr. Jalpy óńirde ótpeni jasandy jeldetý apparaty jetkilikti. Bizdiń maqsatymyz – naýqastardyń jaǵdaiyn ýshyqtyrmai, der kezinde emdeý. Jansaqtaý bóliminde jatqandardyń kóbiniń jasy 60-tan asqan. Sonymen birge júrek-qan tamyrlary, qant diabeti sekildi sozylmaly aýrýǵa shaldyqqandar», - dedi Aqtóbe oblystyq densaýlyq saqtaý basqarmasynyń basshysy Rústem Isaev.
Aqtóbede áli de toi, eske alý sharasyn ótkizýge, ujymdyq keshterdi uiymdastyrýǵa tyiym salynǵan.
Soǵan qaramastan túrli shara ótkizgenderge Ákimshilik quqyq buzý kodeksi boiynsha 140 million teńgeden astam aiyppul salynǵan.
