اقتٶبە وبلىسىندا 80-نەن استام ادام كوروناۆيرۋس ينفەكتسيياسىنان ەم قابىلداپ جاتىر. ونىڭ 11-ٸ جانساقتاۋ بٶلٸمٸندە. بۇل تۋرالى ٶڭٸرلٸك كوممۋنيكاتسييالار قىزمەتٸندە ٶتكەن باسپاسٶز مەسليحاتىندا ايتىلدى, دەپ حابارلايدى "ۇلت اقپارات".
ٶتكەن تەۋلٸكتە ٶڭٸردە 10 ادامنان كوروناۆيرۋس ينفەكتسيياسى انىقتالدى. اقتٶبە قالاسىندا 3, مەرتٶك اۋدانىندا 6 جەنە حرومتاۋ اۋدانىندا 1 ادام دەرٸگەرلەر باقىلاۋىنا الىندى.
اۋرۋ جۇقتىرۋدىڭ ٶسۋ دەڭگەيٸ - 0,3%. جالپى وبلىستا 3531 جاعداي تٸركەلگەن بولسا, ونىڭ 94 پايىزى جازىلدى. ال 200-دەن استام ادام ٷي كارانتينٸنە الىندى.
«اقتٶبە مەديتسينالىق ۋنيۆەرسيتەتٸنٸڭ كارانتيندٸك ستاتسيونارىندا 14, مەرتٶك اۋدانىنداعى جايساڭ اۋىلىندا 15, قارعالى اۋدانىنداعى ەلٸمبەت مەكتەپ-ينتەرناتىندا 1 ادام جاتىر. جالپى ٶڭٸردە ٶتپەنٸ جاساندى جەلدەتۋ اپپاراتى جەتكٸلٸكتٸ. بٸزدٸڭ ماقساتىمىز – ناۋقاستاردىڭ جاعدايىن ۋشىقتىرماي, دەر كەزٸندە ەمدەۋ. جانساقتاۋ بٶلٸمٸندە جاتقانداردىڭ كٶبٸنٸڭ جاسى 60-تان اسقان. سونىمەن بٸرگە جٷرەك-قان تامىرلارى, قانت ديابەتٸ سەكٸلدٸ سوزىلمالى اۋرۋعا شالدىققاندار», - دەدٸ اقتٶبە وبلىستىق دەنساۋلىق ساقتاۋ باسقارماسىنىڭ باسشىسى رٷستەم يساەۆ.
اقتٶبەدە ەلٸ دە توي, ەسكە الۋ شاراسىن ٶتكٸزۋگە, ۇجىمدىق كەشتەردٸ ۇيىمداستىرۋعا تىيىم سالىنعان.
سوعان قاراماستان تٷرلٸ شارا ٶتكٸزگەندەرگە ەكٸمشٸلٸك قۇقىق بۇزۋ كودەكسٸ بويىنشا 140 ميلليون تەڭگەدەن استام ايىپپۇل سالىنعان.
