3 maýsymda 1319 adamnyń analizinen koronavirýs anyqtaldy. Densaýlyq saqtaý ministrliginiń habarlaýynsha, 2 maýsymda 103 adamnyń koronavirýs pnevmoniiasyna shaldyqqany belgili bolǵan. 22 adam qaitys bolǵan: 15 adam - koronavirýstan, 7 adam koronavirýs pnevmoniiasynan kóz jumǵan.
Beisenbi kúni Qaraǵandy oblysynda – 254, Nur-Sultanda – 222, Almatyda – 184, Aqmola oblysynda – 75, Almaty oblysynda – 53, Pavlodar oblysynda – 61, Batys Qazaqstan oblysynda 89 adamnan koronavirýs anyqtaldy. Shymkentte – 46, Aqtóbe oblysynda – 27, Atyraý oblysynda – 64, Shyǵys Qazaqstan oblysynda – 90, Jambyl oblysynda – 23, Qostanai oblysynda – 38, Qyzylorda oblysynda – 9, Mańǵystaý oblysynda – 44, Soltústik Qazaqstan oblysynda – 20, Túrkistan oblysynda 20 naýqas tirkelgen.
Indet bastalǵaly beri 391 695 adamnyń PTR testi oń shyqqan. Qazir 25 myńǵa jýyǵy emdelip jatyr. 4022-i qaitys bolǵan.
Al 2020 jyldyń 1 tamyzynan beri koronavirýs pnevmoniiasyna shaldyqqandar 55 580 adamǵa jetti. 3383-i qaitys bolǵan. Qazir 728-i emdelip jatyr.
Densaýlyq saqtaý ministrliginiń málimetinshe, 572 naýqastyń jaǵdaiy aýyr, 124 naýqastyń jaǵdaiy óte aýyr, 75 naýqas jasandy tynys apparatyna qosylǵan.
Sońǵy málimet boiynsha, 2 mln 181 myń adam (halyqtyń 11,5 paiyzy) koronavirýsqa qarsy vaktsinanyń keminde bir dozasyn alǵan. 1 mln 142 myń adam (5,9 paiyz) eki dozasyn alǵan. Ótken táýlikte shamamen 22 myń adamǵa ekpe egilgen. Azamattarǵa reseilik "Spýtnik V", qazaqstandyq QazVac jáne qytailyq Sinopharm jáne "Sinovac Biotech Ltd" kompaniiasynyń CoronaVac (Sinovac) vaktsinasy egilip jatyr.
Amerikalyq Djons Hopkins ýniversitetiniń dereginshe, indet bastalǵaly beri álemde 172 mln 21 myń adamnan koronavirýs anyqtalǵan. 3 mln 698 myń adam qaitys bolǵan.
