Sotton Campaign koalitsiiasy on úsh jyl buryn ózbek maqtasyna jariialaǵan boikot merzimi aiaqtalǵanyn habarlady, dep jazady Azattyq.
Uiym saityndaǵy málimetke qaraǵanda, mundai sheshim "Adam quqyqtary jónindegi ózbek forýmy" esebiniń qorytyndysyna sai qabyldanǵan. Esepte 2021 jyly maqta jinaý naýqany kezinde eńbekke májbúrlep jegý jaittary siregeni aitylǵan.
2009 jyly Ózbekstandaǵy maqta alqaptarynda bala eńbegi men májbúrli eńbekke qarsy bolǵan Cotton Campaign aliansy álemdik qaýymdastyqty ózbek maqtasyna boikot jariialaýǵa shaqyrǵan.
Sol kezde álemdegi iri 331 brend koalitsiia bastamasyn qoldaǵan. Olardyń arasynda Adidas, Zara, C&A, Gap Inc., H&M, Levi Strauss & Co., Tesco jáne Walmart sekildi tanymal brendter de boldy.
