Foto: uiymdastyrýshylardan
Astana qalasynda ótken Astana International Forum aiasynda Corporate Chess Cup 2025 shahmat týrniri ótti. Bul týrnirdiń jeńimpazy ári korporatsiialar arasyndaǵy shahmattan II álem chempionatyna joldama iegeri ERG (Eurasian Resources Group) komandasy boldy, dep habarlaidy Ult.kz.
Ártúrli málimetterge sáikes, búginde álemde 700 myńnan astam belsendi shahmat áýesqoiy bar. Al Halyqaralyq shahmat federatsiiasy (FIDE) shahmatty turaqty túrde oinaityn adam sanyn 1 milliarqa jetkizýdi óz maqsattarynyń biri retinde atap ótedi. Alaida buqaralyq sipat kóbinese shahmat federatsiialary, klýbtary men týrnirlerine demeýshiler tarapynan kórsetiletin qarjylai qoldaýǵa táýeldi. Osy sebepti 2024 jyldyń 14-17 maýsym aralyǵynda Niý-Iork qalasynda (AQSh) ótken korporatsiialar arasyndaǵy shahmattan I álem chempionatynyń (FIDE World Corporate Chess Championship) finaldyq týrniri úlken qyzyǵýshylyq týdyrdy.
2025 jyly bul týrnir ekinshi ret ótedi. Onda basqa da komandalarmen qatar Qazaqstannan irikteý kezeńinen ótken komanda da qatysady. Irikteý týrniri retinde Corporate Chess Cup 2025 saiysy ótti. Bul jarysty Astana International Forum (AIF2025) halyqaralyq forýmy aiasynda KazChess/Qazaqstan shahmat federatsiiasy (QShF) Freedom Holding Corp. jáne «Astana» Halyqaralyq qarjy ortalyǵynyń (AIFC) qoldaýymen uiymdastyrdy.
Foto: uiymdastyrýshylardan
Jarys 29 mamyrda saǵat 14:30-da AIFC Saýda zalynda bastaldy. Sharanyń joǵary mártebesin KazChess/QShF vitse-prezidentteriniń qatysýy aiqyndady. Qurmetti qonaqtar qatarynda FIDE prezidentiniń keńesshisi Berik Balǵabaev, Túrikmenstan shahmat federatsiiasynyń tóraǵasy Vepa Mialikgýlyev jáne PythonAnywhere bultty platformasynyń seriktesi, @GRADIA-nyń negizin qalaýshy jáne atqarýshy direktory Konrad Ho boldy.
Týrnirdiń júlde qory da nazar aýdarýǵa turarlyq: jeńimpaz komandaǵa korporatsiialar arasynda ótetin álem chempionaty-2025 týrnirine (FIDE World Corporate Chess Championship 2025) qatysý quqyǵymen birge 1 mln teńge berildi. 2-oryn alǵan komanda – ₸650 000, al 3-oryn iegeri – ₸350 000 ielendi. Komanda oiynshylary medaldarmen jáne diplomdarmen marapattaldy.
Bas tóreshi Asylhan Karaev jarystyń reglamentin qysqasha tanystyryp ótti. QR Memlekettik gimni men FIDE gimni oryndaldy. negizgi 4 oiynshy jáne qajet bolǵan jaǵdaida 1 qosalqy oiynshydan quralǵan, 2000-nan aspaityn Elo reitingpen (klassika, rapid, blits) 20 komanda 10+2 ýaqyt baqylaýymen (ár partiiaǵa 10 minýt jáne birinshi júristen bastap ár júriske 2 sekýnd) shveitsar júiesi boiynsha 7 týr oinady.
Foto: uiymdastyrýshylardan
Alǵashqy týrlardan-aq kósh basyna reiting boiynsha úzdikter shyqty: ERG (Eurasian Resources Group) (ortasha reiting – 1884), «Qazmedia Ortalyǵy» (BK) JShS (1732), NCOC (North Caspian Operating Company) (1565) jáne Freedom Holding Corp. (1483). 3-shi týrda, eki jeńisten keiin osy komandalar bir-birimen kezdesti: ERG – Freedom Holding Corp. jáne NCOC men «Qazmedia Ortalyǵy». Birinshi jupta jeńimpaz aiqyndalmady – 2-2, al ekinshi jupta 3-1 esebimen «munaishylar» jeńdi. Olar 6 komandalyq upaimen (jeńiske – 2 upai, teń oiynǵa – 1 upai, jeńiliske – 0 upai berildi) týrnir kestesiniń kóshin jeke-dara bastady.
4-shi týrda NCOC taǵy bir negizgi qarsylasyn – Freedom Holding Corp.-ty 3–1 esebimen utty. Qorytyndy jeńiske úmitker boldy. Alaida 5-shi týrda olar ERG komandasynan 1–3 esebimen jeńilip, kóshbasshylyqty «evraziialyqtarǵa» berdi.
Jarys sońyna eki týr qalǵanda kóshbasshylar bylaisha ornalasty: ERG – 9 komandalyq upai, NCOC pen «Qazmedia Ortalyǵy» – 8, Freedom Holding Corp. jáne «Mycar Group» – 7. Jáne ERG qalǵan úshtikpen oinap qoiǵandyqtan, mynadai suraq týyndady: «Qazmedia Ortalyǵy» kóshbasshy komandany toqtata ala ma? Toqtata almady… ERG – «Qazmedia Ortalyǵy» – 4–0. Tas-talqan etti! Sońǵy týrda «eýraziialyqtarǵa» Kazakhmys Group qarsy turdy, biraq bul sensatsiia jasai alatyn qarsylas emes edi. Al 2½–1½ esebimen tirkelgen qarapaiym jeńis naqty núkte qoidy.
Foto: uiymdastyrýshylardan
Týrnirdiń qorytyndy nátijeleri:
- 1. ERG – 13 komandalyq upai, 22½ jeke upai;
2. NCOC (North Caspian Operating Company) – 12, 21;
3. Freedom Holding Corp. – 10, 18.
Birden alty (!) komanda 8 upai jinady, sondyqtan olardyń úsheýi úshin tek jeke upai ǵana emes, Býhgolts koeffitsienti de esepteldi:
- 4. Astana Hub – 8, 16½;
5. Allur – 8, 15;
6. «Qazmedia Ortalyǵy BK» JShS – 8, 14½, 122;
7. Prezident Is Basqarmasy Quramasy – 8, 14½, 108½;
8. QR Ulttyq Banki – 8, 14½, 99;
9. ForteBank – 8, 14.
Al álem chempionatyna joldamany ERG (Eurasian Resources Group) komandasy jeńip aldy. Bul komandada taqta reti boiynsha motivatsiia jónindegi sarapshy Ádil Dosov, Didar Irmanov jabdyqtar men mashinalardy jóndeý sheberi, aýyspaly aýysymdaǵy elektr sheberi Baýbek Qojaniiazov, óndiris protsesinde shikizatty, jartylai fabrikattardy jáne daiyn ónimdi tasymaldaý boiynsha brigadir (dál solai!) Meirambek Aqbalin jáne biznes-taldaýshy Dýman Ospanov óner kórsetti.
Aita keterlik jait, «Forbs Qazaqstan» saitynda 10 jyl buryn shyqqan, Hromtaýda grossmeister, qazirgi áielder quramasynyń bas bapkeri Pavel Kotsýr bergen seans týraly maqalada Aqtóbe ferroqorytpa zaýytynyń balqytýshysy Meirambek Aqbalin men sol zaýyttyń elektr sheberi Baýbek Qojaniiazovtyń esimderi atalady.
Al Freedom Holding Corp. quramynda eki týrda onyń negizgi aktsioneri jáne bas atqarýshy direktory (CEO), sondai-aq KazChess/QShF prezidenti Timýr Týrlov oinady.
