Resei Kaliningrad oblysyndaǵy iadrolyq qarý qoimalaryn modernizatsiialady. Bul týraly CNN ImageSat International jekemenshik kompaniiasynyń spýtnikten túsirilgen beinelerine silteme jasap habarlady.
CNN 19 shilde men 1 qazan aralyǵynda túsirildi delingen sýretterdi jariialady. Ol sýretterden Primorsk qalasy mańyndaǵy 40 býnkerde jańalaý jumystary júrgizilgenin baiqaýǵa bolady. Munda Reseidiń Baltyq teńizindegi úlkendigi jóninen ekinshi iri porty ornalasqan.
Telearna jýrnalisteri Kaliningradtan soltústikke qarai ornalasqan "Chkalovsk" áskeri bazasynda da qurylys jumystary júrgizilgenin aitady. Taiaýda munda Baltyq floty áskeri aviatsiiasynyń ushaqtary jetkizilgen. Olar Cherniahovsk qalasynda ýaqytsha ornalasqan. CNN málimetinshe, reseilik áskeriler Cherniahovskige "Iskander" zymyran keshenin jóneltken.
AQSh-tyń Eýropa men Afrikadaǵy áskeri-teńiz kúshteriniń qolbasshysy Djeims Foggo CNN-men áńgimesinde Reseidiń Kaliningrad oblysyndaǵy áskeri áleýetin kúsheitýi NATO-ǵa tejeý bola almaitynyn málimdedi. Resei jaǵy telearna taratqan aqparattarǵa ázirge kommentarii bergen joq.
NATO byltyr Litva, Lavtiia, Estoniia jáne Polshaǵa jedel áreket etetin tórt myń sarbazyn rotatsiiamen ornalastyrǵan. Reseimen qaqtyǵys bola qalǵan jaǵdaida bul jedel áreket etý kúshteri negizgi ásker kelip jetkenge deiin jaýǵa toitarys bere turady.
Resei 2014 jyly Qyrymdy anneksiialap alǵan soń NATO Shyǵys Eýropadaǵy áskeri áleýetin birshama kúsheitken.
