Foto: Polisia.kz
IIM esirtki qylmysyna qarsy is-qimyl departamenti óndiristik aýqymda sintetikalyq esirtki shyǵarý úshin elge prekýrsorlar jetkizýdi jolǵa qoiǵan Qazaqstan men shetel azamattarynan quralǵan transulttyq qylmystyq topty anyqtady, - dep habarlaidy "Ult aqparat" Polisia.kz saityna silteme jasap.
Jedel ýákilder zerthanada sintetikalyq preparattar shyǵarý úshin qoldanylatyn prekýrsorlardy jetkizý arnalaryn anyqtaý boiynsha arnaiy operatsiialar júrgizdi. Toptyń árbir múshesiniń rólin jáne basqa adamdardyń qatysýyn anyqtaý úshin «arnaiy júk» búkil marshrýt boiy baqylaýda boldy. Oǵan áýe arqyly barlaý da qoldanyldy.
Ótken jyldyń qazan aiynda arnaiy operatsiianyń bastapqy kezeńinde, sondai-aq biylǵy naýryzda prekýrsorlardyń kontrabandasyna qatysqan úsh sheteldik azamat elden tys jerlerde ustaldy.
Operatsiianyń sońǵy kezeńinde 21 naýryzda Almatyda osy is boiynsha qalǵan figýranttar - kórshiles elderdiń eki azamaty jáne qazaqstandyq ustaldy.
Olardan ártúrli salmaqta mefedron, sheteldik politsiia qyzmetkeriniń jalǵan kýáligi, zip-paketter, elektrondy tarazylar, Kalashnikov avtomatynyń 7,62 mm kalibrli patrondary tárkilendi.
Qoimalardy tintý barysynda IIM jáne Almaty qalasy politsiia departamentiniń qyzmetkerleri sintetikalyq esirtkilerdi daiyndaý úshin qoldanylatyn prekýrsorlardy, sondai-aq eki reaktordy, iaǵni sintetikalyq esirtkilerdi daiyndaýǵa arnalǵan arnaiy zerthanalyq jabdyqty tárkiledi.
Tárkilengen prekýrsorlardyń jalpy kólemi - 72,7 tonna. Osylaisha, 8 tonna sintetikalyq esirtki óndirýge jol berilmedi. Bul - 8 million bir rettik doza. Qazirgi ýaqytta tergeý áreketteri júrgizilip jatyr.
