Qazgidromet kúzge arnalǵan aýa raiy boljamyn jariialady, - dep habarlaidy "Ult aqparat".
Sinoptikter málimetinshe, kúzde jańbyr, qubylmaly aýa raiy, jelmen qatar, jyly ári shýaqty kúnder de bolady.
"Kúzge arnalǵan aýa raiy boljamyna sáikes, alǵashqy eki aiynda respýblikanyń basym bóliginde aýa temperatýrasy 1-2 gradýsqa normadan joǵary bolady dep boljanyp otyr. Qarashada respýblikanyń basym bóliginde jyly, al Batys Qazaqstan, Atyraý, Soltústik Qazaqstan, Aqtóbe, Qostanai oblystarynyń soltústik-batysynda, Pavlodar oblysynyń soltústik jartysynda norma sheginde jyly bolady dep kútiledi", - delingen habarlamada.
Qyrkúiek pen qazanda jaýyn-shashyn mólsheri Qazaqstannyń basym bóliginde normadan az, iaǵni qurǵaqshylyq bolady. Qarashada eldiń kóptegen oblysynda jaýyn-shashyn mólsheri klimattyq normaǵa jaqyn bolady dep boljanyp otyr.
