قازگيدرومەت كٷزگە ارنالعان اۋا رايى بولجامىن جارييالادى, - دەپ حابارلايدى "ۇلت اقپارات".
سينوپتيكتەر مەلٸمەتٸنشە, كٷزدە جاڭبىر, قۇبىلمالى اۋا رايى, جەلمەن قاتار, جىلى ەرٸ شۋاقتى كٷندەر دە بولادى.
"كٷزگە ارنالعان اۋا رايى بولجامىنا سەيكەس, العاشقى ەكٸ ايىندا رەسپۋبليكانىڭ باسىم بٶلٸگٸندە اۋا تەمپەراتۋراسى 1-2 گرادۋسقا نورمادان جوعارى بولادى دەپ بولجانىپ وتىر. قاراشادا رەسپۋبليكانىڭ باسىم بٶلٸگٸندە جىلى, ال باتىس قازاقستان, اتىراۋ, سولتٷستٸك قازاقستان, اقتٶبە, قوستاناي وبلىستارىنىڭ سولتٷستٸك-باتىسىندا, پاۆلودار وبلىسىنىڭ سولتٷستٸك جارتىسىندا نورما شەگٸندە جىلى بولادى دەپ كٷتٸلەدٸ", - دەلٸنگەن حابارلامادا.
قىركٷيەك پەن قازاندا جاۋىن-شاشىن مٶلشەرٸ قازاقستاننىڭ باسىم بٶلٸگٸندە نورمادان از, ياعني قۇرعاقشىلىق بولادى. قاراشادا ەلدٸڭ كٶپتەگەن وبلىسىندا جاۋىن-شاشىن مٶلشەرٸ كليماتتىق نورماعا جاقىن بولادى دەپ بولجانىپ وتىر.
