Almatylyq "Qairat" izraildik "Makkabidi" jeńip, Chempiondar Ligasynyń ekinshi irikteý kezeńine shyqty, - dep habarlaidy Vesti.kz saity.
Komandalardyń qarymta kezdesýi Almatydaǵy ortalyq stadionda ótip, 2:0 esebimen aiaqtaldy.
Matchta esepti alań ieleri ashty. 10-minýtta Vagner Lav "Qairatty" alǵa shyǵardy. Osydan keiin braziliialyqtyń taǵy eki múmkindigi bolǵan, biraq qonaqtardyń qaqpashysy eki ret soqqyny qaitara bildi.
Nátijesinde úziliske almatylyqtar bir gol basymdyǵymen ketti.
Ekinshi taimnyń basynda "Qairat" esep arttyrýǵa tamasha múmkindik aldy - Hose Kante "Makkabi" qaqpashysynyń qateligin baiqap qaldy, biraq múmkindikti paidalana almady.
Al 58-minýtta "Qairat" qaqpasyna birneshe soqqy jasaldy. Makkabi oiynshylary qaqpaǵa dál soqqy jasaǵan, biraq Stas Pokatilov komandasyn qutqardy.
64-minýtta Pokatilov aiyp alańynan qaýipti soqqyny qaitara otyryp, taǵy bir márte sheberligin kórsetti - "Makkabi" shabýylshysy Tiaronn Cheri aiyp alańynan baspen soqqy jasaǵan, alaida "Qairattyń" qaqpashysy dopty buryshqa buryp jiberdi.
Bir minýttan keiin "Qairat" basymdyǵyn eseledi. Almatylyqtar qarsy shabýyl uiymdastyrdy, sonyń nátijesinde Aibol Ábiken jaqyn buryshqa soqqy jasady.
Fýtbolshylar arasyndaǵy matchtiń sońynda alań syrtynda jappai tóbeles boldy, nátijesinde tóreshi "Qairat" pen "Makkabi" oiynshylaryna qyzyl qaǵaz kórsetti.
Eske salaiyq, Haifadaǵy alǵashqy oiyn teń eseppen, 1:1 esebimen aiaqtaldy. Osylaisha, "Qairat" eki matchte 3:1 esebimen jeńip, alǵa shyqty.
Chempiondar Ligasynyń ekinshi irikteý kezeńindegi almatylyq klýbtyń qarsylasy serbiialyq "Tsrvena Zvezda" bolady.
