Foto:Qairat FK
Miýnhenniń «Bavariiasy» dara kóshbasshyǵa ainaldy, al almatylyq klýb áli upai jinai almai otyr, dep habarlaidy Ult.kz sports24-ke silteme jasap.
2 qazanda Chempiondar ligasynyń 2025/26 jylǵy maýsymyndaǵy jalpy kezeńniń ekinshi týry aiaqtaldy.
Bul týr komandalardyń kúsh tarazysyna eleýli ózgeris engizdi. Vensan Kompani jattyqtyratyn miýnhendik «Bavariia» týrnir kestesiniń shyńyna shyqty. Nemis klýby kiprlik «Pafosty» 5:1 esebimen oisyrata jeńip, kóshbasshylyqty bekite tústi.
Odan keiingi oryndarǵa madridtik «Real», parijdik «PSJ», milandyq «Inter», londondyq «Arsenal», ázerbaijandyq «Qarabaq», dortmýndtyq «Borýssiia» jáne «Manchester Siti» jaiǵasty.
Kútpegen jerden ekinshi ondyqqa álemniń alpaýyt klýbtary túsip qaldy — «Liverpýl», «Barselona», «Iýventýs», «Chelsi» jáne «Napoli». Olar 16–24 oryndardy bólisip tur jáne plei-off jolyn qiyndatyp alýy múmkin.
Almatylyq «Qairat» úshin týrnirdiń bastaýy aýyr boldy: alǵashqy týrda syrt alańda «Sportingke» (1:4) ese jiberdi, al 30 qyrkúiekte Almatyda madridtik «Realdan» iri eseppen utyldy. Ýrazbahtin shákirtteri alǵashqy upailaryn 21 qazanda óz alańynda «Pafosqa» qarsy izdeýge tyrysady.
Eske salaiyq, jalpy kezeńniń segiz týrynan keiin 36 klýbtan turatyn keste jasalady: úzdik segiz komanda birden 1/8 finalǵa joldama alady, al 9–24 oryn ieleri plei-offqa shyǵý úshin qosymsha kezdesýler ótkizedi.
Bailanysty komandalar men ligalar
