Búgin UEFA Chempiondar ligasy 1/8 finaldyq kezeńiniń alǵashqy oiyndary aiaqtaldy, dep habarlaidy "Ult aqparat".
Ispaniianyń «Realy» óz alańynda Angliianyń «Manchester Siti» klýbyn qabyldady. Eki ujym da jeńiske jetý jolynda tynbai ter tókti. Birinshi kezeń olardyń alma-kezek shabýylymen órbidi. Dese de bir-biriniń qaqpasynan sańylaý taba alǵan joq. «Siti» shabýylshysy Gabi Jezýs qaqpashymen betpe-bet shyqqan. Alaida onyń soqqysyn qaqpashy qaitardy. Birinshi taimda qonaqtardyń qorǵaýshysy Aimerik Liaport jaraqat alyp, alańnan ketti.
Ekinshi taim «Manchester Sitidiń» basymdyǵymen ótti. 59-minýtta qarymta shabýyl kezinde «Real» esep ashqan. Qorǵaýshylardy aldap ótken Vinisiýs Jýnior áriptesi Iskoǵa pas berdi. Sońǵysy qatelesken joq. Esep – 1:0! Qarymta shabýyldardyń birinde aǵylshyndyq klýbtyń oiynshysy Gabi Jezýs tarazy basyn teńestirip ketti. Ol aiyp alańyna asyrylǵan dopty qaqpaǵa baspen kirgizdi. Munan soń Kevin de Briýine penaltiden kózge túsip, esepti 1:2 qyldy. Oiyn sońyna taman bas tóreshi «Real» kapitany Serhio Ramosty tártip buzǵany úshin alańnan qýdy.
Qatar ótken «Lion»-«Iýventýs» matchynda frantsýzdar basym boldy. Kezdesýdegi jalǵyz goldy Týzar soqty.
Osylaisha, Chempiondar ligasy 1/8 finaldyq kezeńiniń alǵashqy oiyndary aiaqtaldy.
