UEFA Chempiondar ligasy finalyna shyqqan alǵashqy komanda anyqtaldy, dep habarlaidy "Ult aqparat".
Atalǵan joldamaǵa Angliianyń «Manchester Siti» klýby ie boldy. Ol búgin óz alańynda Frantsiianyń «Pari Sen-Jermen» komandasyn 2:0 esebimen súrindirdi.
Esterińizge sala ketelik, eki klýb arasyndaǵy alǵashqy kezdesýde aǵylshyndyq klýb 2:1 esebimen basym túsken bolatyn. Sondyqtan búgingi oiynda «Pari Sen-Jermen» jeńiske jetý jolyn izdeýi tiis edi.
Dese de «Manchester Siti» senimdi oiyn kórsetti. Oiynnyń 11, 63-minýttarda Riiad Marez mergendigimen kózge tústi.
Chempiondar ligasy jartylai finalyndaǵy taǵy bir kezdesýde «Chelsi» (Angliia) jáne «Real Madrid» (Ispaniia) komandalary sheberlik baiqasady. Bul oiyn 5 mamyrda bolady.
UEFA Chempiondar ligasynyń finaly 29 mamyrda Túrkiianyń Ystanbul qalasynda Olimpiadalyq stadionda bolady.
