Londondyq «Chelsidiń» 19 jastaǵy shabýylshysy Kallým Hadson-Odoi koronavirýs juqtyrǵan, dep habarlaidy "Ult aqparat" klýbtyń resmi saityna silteme jasap.
Oiynshymen bailanysta bolǵan «Chelsi» quramasy endi Angliia Úkimetiniń direktivalaryna sáikes oqshaýlanady. Kallýmmen tyǵyz bailanysta bolmaǵan adamdar jaqyn kúnderi jumysqa oralady dep kútilýde. Oqý ortalyǵynyń kirýge arnalǵan bir bóligi jabyq bolady.
9 naýryzda Kallýmnan sýyq tiiý belgileri baiqalǵan, sodan beri ol jattyǵýlarǵa qatyspaǵan. 12 naýryzda onyń COVID-19 virýsyna testi oń nátije kórsetti.
«Biz Kallýmnyń tez jazylyp ketýin tileimiz, klýbqa oralýyn asyǵa kútemiz», — delingen «Chelsidiń» resmi málimdemesinde.
Eske sala keteiik, londondyq «Arsenal» fýtbol klýbynyń bas jattyqtyrýshysy Mikel Artetadan koronavirýs anyqtalǵan bolatyn.
Al belgili fýtbolshy Krishtianý Ronaldý karantinge jatqyzyldy.
