Chehiia úkimetiniń densaýlyqqa qaýip-qater jónindegi keńesi koronavirýsqa qarsy Pfizer/BioNTech jáne Moderna vaktsinalarynyń birinshi jáne ekinshi dozalaryn engizý aralyǵy 42 kúnge deiin arttyrýdy maquldady, dep habarlaidy Ukrinform saity.
«Jaqynda tirkelgen adamdar Pfizer / BioNTech jáne Moderna vaktsinasynyń ekinshi dozasyn 42 kúnnen keiin alady. Kásibi turǵydan bul – qalypty jaǵdai, ýaiymdańyzdar», – dedi Chehiianyń densaýlyq saqtaý ministrligi Tvitter paraqshasynda.
Vedomstvo mundai aralyq kóptegen adamdarǵa vaktsina alýǵa, demek, az ýaqyt ishinde kóp adamdy qorǵaýǵa múmkindik beretindigin alǵa tartty. Degenmen AstraZenesa preparatymen vaktsinalaýda mundai ózgerister joq. Ekpe alý arasyndaǵy uzaqtyq – 13 aptaǵa deiin.
Pfizer/BioNTech jáne Moderna óndirgen preparattar respýblikadaǵy vaktsinalardyń 85%-yn quraidy. Bastapqy kezde Pfizer/BioNTech vaktsinasyn alý aralyǵy - 21 kún, Moderna úshin 28 kún bolǵan edi.
Qazirgi ýaqytta Chehiiada 1,13 mln adam ekpe aldy. Bul halyqtyń 10 paiyzyna jetpeidi, iaǵni 445 myńǵa jýyq adam.
Worldometer málimetteri boiynsha álemde koronavirýs infektsiiasynyń 128, 787 576 jaǵdaiy tirkeldi, onyń 2,815,026-sy kóz jumdy, 103,915,264 adam emdelip shyqty.
