Chehiianyń shyǵys bóliginiń iri qalasy Brnodaǵy balabaqshalardyń birinen koronavirýstyń ońtústik-afrikalyq shtammyn juqtyrýdyń úsh jaǵdaiy anyqtaldy, dep habarlaidy "Ult aqparat" Cheh telearnasyna silteme jasap.
Koronavirýstyń ońtústik-afrikalyq shtamy balalar men jasóspirimderge úlken qaýip tóndiredi. Meditsinalyq sarapshylar balabaqshalardy jaýyp, orta mektepterdiń bastaýysh synyptarynda oflain (kúndizgi) oqýǵa tyiym salý qajet dep sanaidy. El biligi juma kúni tiisti sheshim qabyldaidy dep kútilýde.
El aýrýhanalarynda 15 jasqa deiingi aýrýhanaǵa jatqyzylǵan naýqastar sany artyp keledi.
Chehiiada indet bastalǵannan beri aýrý juqtyrǵandardyń jalpy sany 1 212 780 boldy. Infektsiianyń asqynýynan 10,46 mln turǵyny bar respýblikanyń 19 999 turǵyny qaitys boldy. 5 qazannan bastap respýblikada 2020 jylǵy 12 naýryz ben 17 mamyr aralyǵynda áreket etken tótenshe jaǵdai rejimi qalpyna keltirildi. Munda maskalyq rejim jáne qatań áleýmettik shekteýler, sonyń ishinde shuǵyl qajettiliksiz túnde úiden shyǵýǵa tyiym salynǵan.
