Aýrýdyń ósýin tejeý úshin Chehiiada mektepter men dúkenderdiń kópshiligi ótken dúisenbiden bastap jabyldy. Chehiia Eýropada aýrýǵa shaldyǵý deńgeii boiynsha kósh bastap tur. Sońǵy 14 kúnde million adamǵa shaqqanda 15 myń aýrý juqtyrý jaǵdaiy tirkelgen, dep habarlaidy VVS agenttigi.
Ulybritaniiada bul kórsetkish million adamǵa shaqqanda 1440 jaǵdaidy quraidy.
Polshada sársenbi kúni úkimet qarashanyń aiaǵynan bastap koronavirýs juqtyrǵandardyń eń kóp statistikasyn tirkedi. Bir kúnde 17 260 jaǵdai anytalǵan.
Basqa kórshilerde de jaǵdai osyǵan uqsaq. Majarstanda aýrýǵa shaldyǵýdyń jańa jaǵdailarynyń sany jeltoqsandaǵy eń joǵary kórsetkishpen teńeldi.
Munda kúnine 6 myńnan astam adam aýyrady.
Mundaǵy ólim-jitim deńgeii de eń joǵary. Eldiń premer-ministri Viktor Orban aýrýhanaǵa jatýshylar sany 8 myńnan 20 myńǵa deiin jetýi múmkin dep eskertti.
Majarstan Reseidiń «Spýtnik V» vaktsinasyn qoldanýdy maquldaǵan EO-nyń alǵashqy eli boldy, halyqtyń shamamen 10%-y vaktsina aldy.
Slovakiiada da ólim men infektsiia juqtyrýdyń jańa jaǵdailary turaqty túrde ósýde.
Seisenbide eldiń premer-ministri Igor Matovich EO-nyń dári-dármek agenttigine ómirge qaýip tónip turǵanyn eskertip, reseilik vaktsinany maquldaýdy tezdetýge shaqyrdy.
Buǵan deiin Matovich EO úkimin kútpesten jáne alianstaǵy kórshilerge eskertýsiz eki million doza «Spýtnik V» satyp alǵan.
Frantsiiada intensivti terapiiadaǵy naýqastardyń sany azaiǵan joq, sársenbide taǵy 264 adam qaitys boldy.
Bilik aýrýhanalardaǵy jaǵdai óte alańdatarlyq deidi, biraq olar jappai vaktsinatsiialaý jolyndamyz dep halyqty sendiredi.
Vaktsinatsiia bastalǵannan beri Frantsiiadaǵy 67 million adamnyń tek 2 milliony ǵana vaktsinatsiialanǵan.
Ispaniiada aýrýǵa shaldyǵýdyń jańa jaǵdailarynyń sany kúrt tómendedi. Qańtar aiynyń sońynda munda 10 naýryzda tek 153 jaǵdai ǵana tirkeldi.
Ispan dárigerleri eńbek jaǵdailaryn jaqsartýdy talap etip, ereýilge shyqty. «Biz ábden toidyq» degen uranmen dárigerler 35 saǵattyq jumys aptasyna jetý jáne túngi aýysymdardyń sanyn azaitý úshin kóshege shyqty.
Italiiada kún saiyn tirkeletin jańa aýrý juqtyrýshylar sany aqpan aiynyń ortasynan bastap óse bastady jáne búginde 22 409-ǵa jetti.
Pandemiia bastalǵannan beri munda 100 811 adam koronavirýstan qaitys boldy.
Pandemiia saldarynan Italiiada ortasha ómir súrý uzaqtyǵy 2020 jyly shamamen 82,3 jylǵa deiin qysqardy, dep habarlady sársenbide Istat Ulttyq statistika basqarmasy.
2019 jyly Italiia osy kórsetkish boiynsha Eýropalyq Odaqta birinshi orynda turǵan edi.
