Foto: Pexels.com
Chehiia Qazaqstanmen jetkizý tizbegindegi asa mańyzdy shikizat óndirisin salasynda áriptestik ornatýǵa nietti. Cheh Respýblikasynyń Syrtqy ister ministri Ian Lipavskii Qazaqstan Premer-ministriniń orynbasary – Syrtqy ister ministri Murat Nurtileýmen ótken kezdesýden keiin BAQ ókilderine osyndai málimet berdi, dep habarlaidy Kazinform HAA.
«Energetika, injiniring, sýyl sharýashylyǵy siiaqty salalarda ózara yqpaldastyq damyp keledi. Belgili bir nátijeler de bar. Skoda, Total Eng siiaqty kompaniialar Qazaqstan naryǵynda baiaǵydan jumys istep keledi. Taǵy eki kompaniia jýyqta Qazaqstan jumys istep bastaidy. Biz, sondai-aq, jer qoinaýyn igerý, jetkizý tizbegindegi asa mańyzdy shikizat materialdaryn óndirý salalaryndaǵy áriptestiktiń zor áleýetin kórip otyrmyz. Bul baǵyttar bizdiń áriptestiktiń taǵy bir mańyzdy baǵyty bolady dep úmittenemiz», - dedi.
Chehiia ministri ǵylym salasyndaǵy ekijaqty bailanystarǵa toqtaldy.
«Búgingi kezdesý kezinde ǵylymi zertteý, biznes bailanystardy damytý máselesinde áriptestikti nyǵaitý týraly kelisimge keldik. Sondai-aq Astanada Cheh jáne Qazaqstan Respýblikalarynyń arasynda birlesken zertteý institýtyn qurmaqshymyz.
Prjevalskii jylqysynyń tuqymyn Qazaqstanda jandandyrý jobasynyń sátti iske asyrylyp bastaǵanyn atap ótkim keledi. Bul jylqy tuqymy Qazaqstanda da tanymal bolady dep úmittenemin. 2024 jyldyń shilde aiynda Pragadan Qazaqstanǵa alǵashqy jeti jylqy jiberilgen. Kelesi jyly 30-40 bas jylqy taǵy jiberý josparlanyp otyr. Biz Qazaqstandaǵy jylqy tuqymyn túrlendirýge kómektesemiz, kerqulandardy Qazaqstanǵa oraltamyz dep úmittenemiz», - dedi Ian Lipavskii.
Aita keteiik, búgin Memleket basshysy Qasym-Jomart Toqaev Chehiianyń Syrtqy ister ministri Ian Lipavskiidi qabyldady.
Prezident syrtqy saiasat vedomstvosynyń basshysyna iltipat bildire otyryp, Qazaqstan men Chehiia arasynda dostyq pen ózara qurmetke qurylǵan kópjyldyq ári nátijeli yntymaqtastyq qalyptasqanyn atap ótti.
