Tsifrlyq damý, innovatsiialar jáne aeroǵarysh ónerkásibi vitse-ministri Áset Turysov «Ashyq» qosymshasy barlyq óńir boiynsha qashan iske qosylatynyn aitty, dep habarlaidy QazAqparat.
«Ministrlik elimizdiń IT-qaýymdastyǵynan koronavrýspen qarsy kúreske atsalysatyn tehnologiialyq sheshimder tabýǵa kómektesýdi suraǵan bolatyn. Mundai jobalardyń iske asýyn biýrokratiialyq protsester uzaqqa sozyp jiberetinin eskerip, usynatyn erikti ári aqysyz negizde daiyndaý týraly ótinish aitylǵan. Dál osy kezde Nur-Sultan qalasynyń deńgeiinde azamattar kóp shoǵyrlanǵan oryndarda tirkelgen virýs juqtyrý jaittaryn anyqtaityn joba júrip jatty. Ony jasaýshy – Vitalii Pýstovoitenko edi. Bizdiń úndeýimizge ún qatyp, jobasyn aqysyz negizde tirajdaýǵa kelisti», - deidi Áset Turysov.
Joba avtoryna Densaýlyq saqtaý ministrligi men jáne «Atameken» UKP qoldaý kórsetip, ilki joba óziniń ómirsheńdigin kórsetti. Búgin Vitalii Pýstovoitenko óz jobasyn Tsifrlyq damý, innovatsiialar jáne aeroǵarysh ónerkásibi ministrligine tapsyryp otyr.
«Qazir ministrlik mamandary ol jobany qabyldap qana qoimai, aqparattyq qaýipsizdikti saqtai otyryp, «Aqparattyq tehnologiialyr» AQ-nyń serverine ótkizdi. Osynyń esebinen aqparattyq qaýipsizdik boiynsha synaq ótkizip jatyrmyz. «Ashyq» qosymshasyn búginniń ózinde 235 myń qoldanýshy júktep alǵan. Ilki jobaǵa 619 kásipkerlik nysany qatysyp jatyr. Kóbine bul fitnes-klýbtar, ioga-ortalyqtar, spa-ortalyqtar, kompiýterlik klýbtar, basseinder. Sońǵy bir aptada 213 sáikestendirilgen adam anyqtaldy. Jalpy alǵanda joba bastalǵaly 660 sáikestendirilgen nemese «qyzyl» azamat anyqtalǵan», - deidi ministrlik ókili.
Sondai-aq, ol qosymshanyń sáýir aiynyń aiaǵyna deiin barlyq óńirde iske qosylatynyn málim etti.
«Jobany maqsaty – biznes nysandarynda qaýipsiz orta qalyptastyrý. Virýs juqtyrmaǵan adamdar burynǵydai erkin ómir saltyn ustaný úshin jasalyp otyr. PTR-testi aýrý kórsetpegen adamdar joǵaryda atalǵan nysandarǵa kedergisiz bas suǵa alatyn bolady. Qosymshanyń arqasynda azamattar óz barǵysy keletin nysannyń qaýipsiz ekenin, onda aýrýdan ada orta bar ekenin naqty bile alady. Mundai jaǵdai týǵyzý arqyly kásipkerlerge de óz isin jalǵastyrýǵa múmkindik berýge bolady. Ministrlik qoldanýshylardy qoldaý úshin «1414» call-ortalyǵyn iske qosty. Al biznes qaýymdastyq úshin «Atameken» UKP bazasynda «1432» call-ortalyǵy jumys istep tur. Osylaisha Úkimettiń tapsyrmasy boiynsha 26 sáýirde «Ashyq» qosymshasyn barlyq óńirler boiynsha iske qosýdy jsoparlap otyrmyz. Oǵan deiin qajet sharalardyń bárin qabyldaimyz», - dedi vitse-ministr.
