QR Premer-Ministriniń orynbasary Berdibek Saparbaev Qordai aýdanynda Sortóbe, Masanchi, Aýqatty jáne Qarakemer aýyldarynyń turǵyndarymen kezdesý ótkizdi. Kezdesýlerge sonymen qatar Parlament Senatynyń vitse-spikeri Bektas Beknazarov, Jambyl oblysynyń ákimi Asqar Myrzahmetov, QHA tóraǵasynyń orynbasary Janseiit Túimebaev, Parlament Májilisiniń depýtaty Baqytbek Smaǵul qatysty.
Aýyldyq turǵyndarymen kezdesýde Úkimet komissiiasynyń músheleri quqyqtyq tártipti saqtaý, keltirilgen zalaldy qalpyna keltirý, bolǵan oqiǵanyń jai-japsaryn obektivti anyqtaý, birlik pen tatýlyqty saqtaý boiynsha budan keiingi sharalar, bolashaqta mundai kikiljińderge jol bermeý sharalaryn qabyldaý máselelerin talqylady.
Sonymen qatar jergilikti turǵyndardy ustalǵan azamattardyń taǵdyry qyzyqtyrdy.
«Quqyqqa qaishy áreket jasamaǵandar bosatylatyn bolady. Tártipsizdikke qatysqandardyń barlyǵy zań boiynsha jaýap beredi. Qazir tergeý operativtik toby jumys istep jatyr, ol barlyq jaǵdaidy anyqtaityn bolady», - dedi vitse-premer.
Sortóbelikter aýyldastaryn sabyr men tártipti saqtaýǵa shaqyrdy.
«QR zańdary bar, quqyq qorǵaý organdary bar - muny basty nazarǵa alý kerek. Ne bolǵanyna obektivti saraptaý jasap, ne bolǵanyn, kim kináli ekenin anyqtaý kerek. Biz óz betimen jazalaýǵa jol bermeýimiz kerek. Bastysy - qoǵamda beibitshilikti, birlik pen kelisimdi saqtaý», - dedi aýyl turǵyndarynyń biri.
Úkimet komissiiasy Qordai aýdanynda jumysyn jalǵastyrýda.
