Reseidiń Cankt-Peterbýrg qalasyndaǵy metropolitende jarylys boldy. Qazirgi málimetke qaraǵanda, jarylystan ondaǵan adam mert bolyp, 50-dei adam japa shekken.
Ázirge jetken aqparatqa qaraǵanda, jarylys «Tehnologiia institýty» stantsiiasynda bolǵan. Oqiǵa ornynan taraǵan sýretten qiraǵan vagon men platformada jatqan adamdar kórinedi.
Keibir derek kózderi metronyń "Sennaia ploshad" stantsiiasynda da jarylys bolǵanyn habarlady. Oqiǵa kýágerleriniń biriniń aitýynsha, jarylys "Sennaia ploshad" stantsiiasynda bolǵan, al poiyz jarylys bolǵan soń «Tehnologiia institýty» stantsiiasyna qarai júrip ketken.
Azattyqtyń Orys qyzmetiniń Sankt-Peterbýrg qalalyq ishki ister basqarmasyndaǵy derekkózi jarylystan 10 adam qaza taýyp, 30-y jaralanǵanyn aitady.
Qala gýbernatorynyń baspasóz hatshysy Andrei Kibitovtiń dereginshe, jarylystan 50 shaqty adam jaralanǵan.
Qazir qaladaǵy "Park Pobedy", "Elektrosila", "Moskovskie vorota", "Frýnzenskaia", "Tehnologicheskii institýt", "Sennaia ploshad" jáne "Gostinyi dvor" stantsiialary jabyq.
Metro stantsiialarynda tekseris kúsheiip, jolaýshylar kezegi paida bolǵan.
Metroda jarylys bolǵan sátte Belarýs prezidenti Aleksandr Lýkashenkomen kezdesip otyrǵan Resei prezidenti Vladimir Pýtin «bilik bul jarylysqa sebep bolarlyq barlyq nusqalardy qarastyratynyn, terakt bolýy múmkin ekenin de joqqa shyǵarmaitynyn» málimdegen.
Resei bas prokýratýrasy ókili bul oqiǵany terakt dep atady. Ekinshi jarylys týraly habar rastalǵan joq.
Sońǵy málimetke qaraǵanda, jarylystan 9 adam qaza tapqan, 20 shaqty adam jaralanǵan, jiyny 50 adam japa shekken.
«Interfaks» agenttiginiń habarlaýyna qaraǵanda, Sankt-Peterbýrg metrosynyń «Ploshad Vosstaniia» stantsiiasynan jarylǵash zat tabylyp, saperler ony zalalsyzdandyrýǵa kirisken.
