Mańǵystaý oblysynda adam ólimine ákelgen jol-kólik oqiǵasy bolyp, tórt adam qaza tapty. Taǵy tórt adam túrli jaraqatpen meditsinalyq kómekke júgindi, dep habarlaidy ult.kz.
Politsiianyń málimetinshe, jol apaty 16 qyrkúiek kúni saǵat 20:30 shamasynda Aqtaý – Beineý tasjolynda bolǵan.
Aldyn ala aqparat boiynsha, Toyota Camry kóligi Jetibai aýylynan Shetpe aýyly baǵytyna qarai qozǵalǵan. Osy kezde jolǵa túie shyǵyp, kólik janýardy qaǵyp ketken. Soqtyǵysýdan keiin Camry qarsy baǵyttaǵy jolaqqa shyǵyp ketken.
Apat saldarynan tórt adam alǵan jaraqatynan oqiǵa ornynda kóz jumdy. Taǵy tórt adam túrli dene jaraqatymen aýrýhanaǵa jetkizildi.
Oqiǵaǵa qatysty Qylmystyq kodekstiń 345-babynyń 4-bóligi boiynsha qylmystyq is qozǵaldy. Qazir jol apatynyń mán-jaiy anyqtalyp jatyr.
