Foto: Medet Medresov
Oral ákimi Mirjan Satqanovtyń jańa kólikke kóshkenin baiqaǵan turǵyndar "Moi gorod" redaktsiiasyna habarlasqan. Olar sheneýnikterdiń daǵdarys kezinde kólik aýystyrǵanyna narazy bolǵan, - dep habarlaidy Massaget.kz saity "Moi gorod" portalyna silteme jasap.
Oral ákimdigi ókilderi Camry 70 jańa emes ekenin, kólik Trade-In baǵdarlamasy boiynsha satyp alynǵanyn aitty.
Trade-In - bul jańa kólikti eski kólikpen aýystyryp, taýardy aitarlyqtai tómen baǵada alýǵa múmkindik beretin qyzmet.
"2012 jylǵy Camry 50 qyzmettik kóliginiń jaǵdaiy nashar bolǵandyqtan, jii isten shyǵýyna bailanysty jóndeýge qosymsha shyǵyndar qajet boldy. Nátijesinde biýdjetke qosymsha salmaq tústi. Biýdjet qarajatyn únemdeý úshin Trade-In baǵdarlamasy boiynsha Camry 50 jáne taǵy eki eski Skoda servistik kóligin Trade-In baǵdarlamasy boiynsha bir paidalanylǵan Camry 70 kóligine aiyrbastaý týraly sheshim qabyldandy", - dep jaýap berdi ákimdik ókilderi resmi saýalǵa.
Qala basshysynyń jańa kóligi 2019 jyly shyǵarylǵan.
