Almatyda 1 shildege deiin mádeni-buqaralyq sharalardy ótkizýge tyiym salyndy, dep habarlaidy "Ult aqparat".
«Adam kóp shoǵyrlanatyn buqaralyq sharalardy 1 shildege deiin ótkizýge bolmaidy. Halyqaralyq tájiribelerdi eskerip otyrmyz. Ár jerde ártúrli shara qabyldanyp jatyr. Árbir memleket óz elindegi epidemiologiialyq ahýalǵa qarai sheshim qabyldap jatyr», - dedi Baqytjan Saǵyntaev.
Qalada 20 sáýirden bastap áleýmettik-ekonomikalyq salany kezeń-kezeńimen jandandyrý qolǵa alynbaq.
«Biz qolǵa alǵan sharalar óz jemisin berdi. Alaida, bizge bosańsýǵa bolmaidy. Almaty qalasynda sanitarlyq beldeý bolǵany durys. Endi biz infektsiiany oblystan tasymaýymyz kerek. Almaty qalasynyń múmkindigi joǵary. Iaǵni, oblys turǵyndarynyń 65 paiyzy Almatyǵa jaqyn turady», - dedi ákim.
