Biryńǵai jinaqtaýshy zeinetaqy qory zeinetaqy jinaǵyn alý kezinde jeke tabys salyǵyn tóleý tártibin túsindirip berdi, dep habarlaidy «Ult aqparat» qordyń baspasóz ortalyǵyna silteme jasap.
«Salymshynyń jeke zeinetaqy shotyna túsken kezde zeinetaqy jarnalaryna jeke tabys salyǵy (JTS) salynbaidy. Salyq zeinetaqy jinaqtary tólemin alǵan kezde salynady. Birjolǵy zeinetaqy tólemderiniń somasyna salyq salý tártibin aiqyndaý maqsatynda Salyq kodeksi «Qazaqstan Respýblikasynyń zeinetaqymen qamsyzdandyrý týraly zańnamasyna sáikes birjolǵy zeinetaqy tóleminen jeke tabys salyǵyn esepteý, ustap qalý jáne tóleý erekshelikteri» kórsetilgen 351-1-babymen tolyqtyryldy», delingen habarlamada.
Salyq kodeksine sáikes, BJZQ salyq agenti retinde zeinetaqymen qamsyzdandyrý týraly zańǵa sáikes eseptelgen birjolǵy zeinetaqy tólemin alýshynyń jáne (nemese) ýákiletti operatordyń bank shotyna aýdarǵan kezde JTS esepteidi. JTS birjolǵy zeinetaqy tóleminiń somasyna Salyq kodeksiniń 320-babynda belgilengen mólsherlemelerdi (10%) qoldaný arqyly esepteledi.
«BJZQ Salyq kodeksiniń 351-1-babynyń 2-tarmaǵyna sáikes salymshy tańdap alǵan, kelesi eki tásildiń biri boiynsha jeke tabys salyǵynyń somasyn ustap qalýdy jáne memlekettik biýdjetke aýdarýdy júrgizedi:
1) Salyq kodeksiniń 351-babynda kózdelgen tártippen birjolǵy zeinetaqy tólemin júzege asyrý kúninen keshiktirmei, bir-aq ret;
2) zeinetke shyqqan kezde on alty jyldan aspaityn merzim ishinde ai saiyn teń úlestermen (BJZQ belgilegen zeinetaqy tólemderi kestesi boiynsha).
Salymshynyń JTS tóleý tásilin tańdaý jónindegi sheshimi onyń ýákiletti operatorǵa bergen ótinishinde kórsetilýi tiis», delingen habarlamada.
Salymshy JTS-ty bir-aq ret ustap qalý týraly ótinish bergen jaǵdaida BJZQ birjolǵy zeinetaqy tólemin júzege asyrǵan kezde JTS-ty birjolǵy zeinetaqy tólemi somasynan birden ustap qalady.
Mysaly:
salymshynyń JZSh-syndaǵy zeinetaqy jinaqtarynyń somasy = 8 500 000 teńge
zeinetaqy jinaqtarynyń eń az jetkiliktilik shegi = 3 500 000 teńge
birjolǵy zeinetaqy tólemine qoljetimdi soma= 8 500 000 - 3 500 000 = 5 000 000 teńge
birjolǵy zeinetaqy tólemi túrindegi eseptelgen tabys = 5 000 000 teńge
ustap qalynatyn jáne biýdjetke aýdarylatyn JTS somasy= 5 000 000*10%= 500 000 teńge
tólem kózinen ustalǵan JTS shegerilgen birjolǵy zeinetaqy tólemi túrindegi tabys somasy= 5 000 000 – 500 000 = 4 500 000 teńge.
«Salymshy JTS-ty ai saiyn teń úlestermen ustap qalý týraly ótinish bergen kezde BJZQ birjolǵy zeinetaqy tólemin júzege asyrý kezinde JTS somasyn ustamai, memlekettik biýdjetke aýdarmai esepteitin bolady. Eseptelgen JTS-ty ustap qalý jáne aýdarý jeke tulǵa zeinetaqy jasyna jetken kezde BJZQ belgilegen zeinetaqy tólemderi kestesi boiynsha on alty jyldan aspaityn merzim ishinde teń úlestermen júzege asyrylady», delingen habarlamada.
Qordyń málimdeýinshe, eger salymshy birinshi tásil – JTS-ty dereý tolyq kólemde tóleý týraly sheshim qabyldasa, onda ol ótinishte alýǵa bolatyn somany 10% mólsherindegi JTS-ty shegere otyryp kórsetýi tiis. Eger salymshy JTS tóleý merzimin uzartýdy paidalaný týraly ekinshi tásildi tańdaǵan bolsa, onda ol ótinishte alýǵa suranys jasalǵan somany JTS-ty shegerýsiz kórsetýi qajet.
BJZQ beretin úzindi kóshirmede salymshyǵa yńǵaily jáne óz betinshe tańdaý jasaý úshin eki soma da kórsetilgen. Salymshy kórsetetin, alýǵa bolatyn soma BJZQ-dan onyń ýákiletti operatorda ashylǵan arnaiy shotyna túsedi.
