Biryńǵai jinaqtaýshy zeinetaqy qory jyly basynan beri zeinetaqy qoryn qalai basqarǵany týraly aqparat jariialady, dep habarlaidy "Ult aqparat".
Resmi málimette 2021 jyldyń 1 mamyrynda zeinetaqy aktivteriniń jalpy kólemi 12,6 trln teńge bolǵany jazylǵan. Al Ulttyq Banktiń senimgerlik basqarýyndaǵy zeinetaqy aktivteri 12 trln 593,67 mlrd teńgege jetken. Salymshylar zeinetaqy reformasyn paidalanyp, qazaqstandyq basqarýshy kompaniialarǵa zeinetaqy jinǵaynan 2,8 mlrd teńge aýdarǵan.
2021 jyldyń 1 mamyryna Ulttyq qordy basqarý jónindegi keńes maquldaǵan baǵyttar boiynsha Ulttyq bank BJZQ aktivin mynadai isterge investitsiialapty.
- Qarjy ministrligi shyǵarǵan memlekettik baǵaly qaǵazdar - 5 trln 292,61 mlrd teńge (búkil portfeldiń 42,3%). Onyń ishinde teńgege nominaldanǵan memlekettik baǵaly qaǵazdar boiynsha ortasha kiristilik – jylyna 8,8%, dollarǵa nominaldanǵan qaǵazdar kiristiligi – jylyna 4,2% qurady.
- Kvazimemlekettik uiymdarynyń obligatsiialary – 1 trln 756,42 mlrd teńge (13,95%). Onyń ishinde teńgemen nominaldanǵan obligatsiialardyń ortasha kiristiligi – jylyna 10,8%, AQSh dollarymen nominaldanǵan obligatsiialardyń ortasha kiristiligi –jylyna 6,6%.
-Ekinshi deńgeidegi bankteriniń obligatsiialary – 1 trln 49,25 mlrd teńge (8,33%). Onyń ishinde teńgege nominaldanǵan obligatsiialardyń ortasha kiristiligi – jylyna 10%. EDB depozitterine 248,86 mlrd teńge (nemese portfeldiń 1,98%) ornalastyryldy. Onyń ortasha kiristiligi – jylyna 9,1 %.
Syrtqy basqarýdaǵy aktivter – 1 trln 134,51 mlrd teńge (portfeldiń 9,01%-y). 2021 jyldyń 1 qańtarymen salystyrǵanda ósim 38,94 % qurady.
«Zeinetaqy aktivteri portfeliniń 68,14%-yn Ulttyq valiýtadaǵy investitsiialar, 31,71%yn AQSh dollaryndaǵa investitsiialar, Resei rýblindegei investitsiialar 0,14%-yn alyp tur», - dep jazady BJZQ mamandary.
Osy aktivterdi basqarýdan túsken investitsiialyq tabystyń qurylymy mynadai:
- ornalastyrylǵan salymdar men «keri REPO» operatsiialarynan túsken syiaqy túrindegi kirister 284,76 mlrd teńge;
- baǵaly qaǵazdardy naryqtyq qaita baǵalaýdan túsken kirister 26,47 mlrd teńge;
- valiýta baǵamynyń aiyrmashylyǵynan túsken kirister 49,23 mlrd teńge;
- syrtqy basqarýdaǵy aktivterdiń kirisi 64,15 mlrd teńge;
- ózge de kirister 63,91 mlrd teńgeni qurady.
«Osylaisha, 2021 jyldyń basynan eseptelgen investitsiialyq tabystyń mólsheri 488,52 mlrd teńge», - dep jazyǵan resmi málimette.
